[FACE 360] 賭王入院 甩底超蓮唔敢撐吳克羣 超蓮,何超蓮,MF,

有傳吳克羣花 8百萬新台幣（約 2百萬港元）投資 DeBrand，係由超蓮打本，佢強烈否認：「我吃飯、坐車都不會要女生付錢，投資更是 impossible（不可能）。」

FBI

賭王入院　甩底超蓮唔敢撐吳克羣

同賭王三房千金何超蓮拍拖 3年嘅吳克羣，上星期嚟咗香港出席佢自家潮牌 DeBrand嘅「潮人藝術館揭幕禮」，活動前， FBI明明收到風話吳克羣請到女友一齊出席做宣傳大使，點知 FBI去到活動採訪，只見到吳克羣、嘉賓 Lollipop F同張棟樑撐場。

克羣解釋，原來當初係舉行呢個活動嘅商場 apm提出請埋超蓮，而超蓮亦口頭答應，只係佢本人唔想女友一齊出現，唔想俾人話佢博宣傳喎，「雖然她有當笑話說，要做我的模特兒，但感覺奇怪，私下歸私下，工作歸工作，彼此才能長久。」

克羣口口聲聲話係佢拒絕女友好意，但查實超蓮都想縮沙，事關佢賭王老豆何鴻燊上星期突然入院。雖然話係做身體檢查，但超蓮都唔想喺老豆入院嘅時候咁高調咁幫男友宣傳，始終何家幾房仔女都忙於出入醫院探賭王，自己就去撐男友點都唔係幾好。呢日 FBI都有問克羣知唔知賭王入院，克羣當然知情話：「有聽說，但應該沒事，賭王意志力高，身體強壯，但暫時不方便拜訪，等他好一些吧。」未來女婿幾識做吖！

超蓮經常撐吳克羣撐出面，曾經試過全身著住男友嘅 DeBrand然後自拍，再 po上微博幫男友宣傳。

吳克羣好友張棟樑同 Lollipop F成員阿緯、威廉、小煜都專登飛嚟香港支持老友。搞笑位係吳克羣出場時其實台下嘅市民冇乜反應，但一到 Lollipop F出場，即全場尖叫。

上年尾吳克羣專程由台灣飛來香港，喺《歡樂滿東華》表演，撐任東華主席嘅三太陳婉珍。騷後克羣同超蓮去宵夜被傳媒撞破，男女朋友關係終於正式公開。

三太陳婉珍連日來出入養和醫院探賭王，更有一晚留通宵。三太話：「（賭王）過幾日出院，冇乜嘢，係例行檢查。」《蘋果日報》圖片

（網上圖片）

何超蓮𠵱家喺北京做緊會計工作， G.E.M.最近就 po咗同超蓮合照上網， G.E.M.話喺北京做嘢時，超蓮亦咁啱喺北京，所以一齊食飯，之後超蓮去埋 G.E.M.酒店房，仲過埋夜，名副其實好姊妹。

鍾意就快D Share啦！

下一篇 》