[FACE 360] 森美扮氹周柏豪 柏豪,森美,周柏豪,MF,

俾森美玩完，柏豪口嗰句話唔介意，仲多謝對方喺電台節目幫自己宣傳，實情兩位上台企喺隔籬都面左左。

FBI

森美扮氹周柏豪

搞過「我最想非禮女藝人」選舉搞到停職、又咒過安仔開演唱會之日就係同 Sammi離婚之時，成日禍從口出，點解森美都係未學精？

上星期喺節目再踩周柏豪自家品牌潮服印上嘅「 8」字似「白內障驗眼」，又得黑白兩色十足「太公治喪團」。週日即刻現眼報，同柏豪同場出席「饑饉三十」活動。

雖然當日同事提醒潮服係柏豪設計，森美已經即刻喺節目補飛話不知情，事後又致電柏豪親自道歉，週日森美仲 po同柏豪喺「饑饉」合照上 Instagram拍 friend番，實情呢？ FBI都喺「饑饉」現場，兩個大男人撞埋一齊又扁嘴、又乾笑， FBI淨係見到老尷，唔覺 friend番囉！

全行都知 XPX系列係柏豪自己設計，仲大把圈內朋友著上身做生招牌，森美咁都話唔知係柏豪出品，抵打喎！

落台對住大班攝記大佬，森美同柏豪即刻同台上兩個樣，仲自拍「和好如初」相上 Instagram，笑爆嘴。

鍾意就快D Share啦！

下一篇 》