掃呢頁CODE去手機

2014年5月23日 星期五

[忽然1周 982] 「大眼」有個「好」親戚 MW,




插圖: Wendy

揞名爆

「大眼」有個「好」親戚

做人嘅嘢,朋友可以揀,但家人親戚就冇得揀嘞。嗱,好似「大眼」咁,人紅咗,工作浪接浪,於是乎就出現咗好多親戚,仲個個都話係至親㖭!

早前「大眼」有戲上,其中有個做呢行嘅親戚,就帶埋成班旗下藝人去部戲嘅首映。嗯,你可以話佢係有心去撐世姪場,但大家畢竟唔同公司,呢位親戚竟然叫「大眼」同佢間公司藝人一齊做訪問,又唔俾自己旗下藝人走開,話要拉「大眼」合照喎,搞到場面鬼咁尷尬!

最後,「大眼」梗係冇幫阿親戚做訪問喇,第一,佢忙住應付多間傳媒,根本行唔開;第二,大家唔同公司㗎,想俾經理人鬧死咩!「大眼」惟有派選美女友應酬嚇親戚,同一班藝人影張相囉。阿親戚梗係唔多滿意啦,覺得冇面嘛。無辦法,自己攞嚟瘀!

邊個係「大眼」?

1.唔高大威猛。

2.但轉數快喎!



鍾意就快D Share啦!