熱爆娛樂: TVB「億萬駙馬」與老婆仔仔激罕做平民　迫地鐵電車：20年冇行過 #TVB

2026年5月20日星期三

TVB「億萬駙馬」與老婆仔仔激罕做平民　迫地鐵電車：20年冇行過 #TVB

大馬視帝袁偉豪自從2020年迎娶落選港姐張寶兒，榮升「億萬駙馬」，與太太先後誕下大仔「袁咕碌」及細仔「袁氹氹」。雖然近年在無綫（TVB）的劇集產量大幅減少，但是這位兩子之父的財力似乎未受影響，曾於社交平台大曬豪車與名牌，超豪生活令人羨慕。袁偉豪日前與張寶兒和仔仔搭地鐵、電車，體驗一日平民生活。

袁偉豪張寶兒帶仔仔體驗搭地鐵電車

張寶兒先是一邊歎下午茶，一邊等「袁咕碌」放學。她與袁偉豪接了仔仔放學後，原來今日有特別活動，就是帶仔仔體驗搭地鐵及電車。張寶兒透露是仔仔要求搭地鐵，袁偉豪一邊攬住仔仔，一邊行銅鑼灣站的長隧道。袁偉豪稱因太耐沒有乘坐地鐵，故忘記怎樣行，他說：「有咗車牌之後，都好少搭地鐵。（張寶兒：咁有幾多年呢？）呢個站我諗都有10幾20年。」

其後袁偉豪一家人與大家一樣迫上地鐵沒位坐，期間竟無人認出，一家人開心地在地鐵車廂打卡。出灣仔站後，袁偉豪帶老婆阿仔上電車，阿仔少有地坐電車，興奮地望向窗外景色，袁偉豪攬實仔仔，完全不用張寶兒操心，非常愛錫妻子。