插圖： Wendy
揞名爆
「大口仔」驚青唔識撈
之前電視台搞歌唱比賽，搵藝人參加都有啲話題㗎！不過無以為繼吖，就算贏咗嗰幾個，依家都無乜嘢做囉。
Well，電視台有冇繼續力捧？媽咪姐想講嘅係，有啲人本來就唔抵幫囉。好似入到三甲嘅「大口仔」咁，未參賽前，本來就不被電視台重用，拍劇做閒角，惟有靠出外接啲司儀、登台 job賺外快先生活到。好嘞，呢次終於俾佢贏到比賽，多咗人識，仲唔係上位好時機？之但係「大口仔」個人真係唔識做囉！有次某大公司搞大型晚宴，請咗好幾個藝人出席，席間老細一時興起，話要上台唱歌，仲叫曬咁多位藝人上台一齊唱兩句贈興。
點知，當人人上曬台嗰時，「大口仔」仲死唔肯離開張櫈，話驚電視台發現喎，又話怕經理人唔高興。查實呢位先生會唔會諗多咗？成班 friend咁上台唱兩句高興嚇啫，其他藝人都唔怕啦。呢個圈，襟撈先有得撈㗎！你喺電視台捱足咁多年又得到啲咩？自己諗嚇啦，傻仔。
邊個係「大口仔」？
1.唔靚仔。
2.不過贏過唔少地區歌唱比賽。
|
鍾意就快D Share啦！
|
|
|
