同你吟一吟
王曼喜出櫃避忌
上個月宣布出櫃嘅王敏德大女王曼喜，得到媽咪馬詩慧支持之外，早排兩母女仲孖住出席由黃耀明同何韻詩做發起人嘅「大愛同盟」活動，為同志們出一分力。
屋企人支持出櫃，上個禮拜四（五月十五日）王曼喜做孝順女，陪媽咪行完 ifc，校啱時間叫定佢位外籍女友 Lia現身。馬詩慧講得出做得到，支持個女同女仔拍拖之餘，仲同 Lia好好傾。幾分鐘後，馬詩慧識做先行離開，王曼喜於是同女朋友行出平台，可能發現有記者，於是兩個分道揚鑣，各自響商場兜大圈，再行返去同一個平台位置見面。
雖然四圍黑孖孖冇咩人，但王曼喜同女朋友好規矩，莫講話攬攬錫錫，連拖手仔都冇，其間亦只有 Lia一個煲煙，王曼喜則全程望實女友傾偈冧笑。
傾咗大約半個鐘，發現記者仲喺附近，唯有分開各自返歸。既然都公開咗另一半身份，行街拍拖尋開心，王曼喜何必咁避忌呢？
|
鍾意就快D Share啦！
|
|
|
