估唔到黎諾懿買間另類愛巢迎新婚。當日他孖住未婚妻 Nicole睇完新屋，即出番市區睇戲。
探熱針
娶富貴港姐 黎諾懿邊境千萬起屋
在處境劇《愛•回家》中集集有份亮相的黎諾懿，一二年追掂億萬富家女、○七年落選港姐李潔瑩（ Nicole）後，經過兩年努力儲老婆本，年底終於可以拉埋天窗。
要成家、先置業，有指黎諾懿已買下愛巢，但位置居然係無雷公咁遠，靠近深圳灣邊境的獨立屋。
住到咁僻，日日要返將軍澳電視城開工，婚後的黎諾懿晚晚放工只能焗住「愛回家」！
山頂豪宅
黎購下的新屋，位於元朗近邊境地區的山頂，獨立屋外形別致，地下有八百呎花園，呢間邊境屋，景觀正正對住深圳蛇口。
唔靠外父
面對未婚妻 Nicole幫父親打理十八間美容院，以及家族坐擁五億身家的無形壓力，黎諾懿唯有加倍努力搵錢，除了集集亮相《愛•回家》成功爆騷，令每月平均有八萬蚊收入。但要盡快儲老婆本，黎諾懿兩年前決定跟兄長夾份開車房，每月平均有六位數字進賬，經濟能力終於有番咁上下。
一個人打兩份工，黎諾懿無非想在年底大婚前，有樓揸手，雖然未來外父手揸多個千萬物業，但他拒絕使女家一分一毫，置業堅持靠自己。
半年前開始睇樓，但黎諾懿口味與眾不同，居然睇中靠近濕地公園，跟深圳灣口岸只有一海之隔的元朗大井村山頂獨立屋。若要由邊境愛巢揸車返將軍澳電視城開工，就算沿途暢通無阻，車程至少要一粒鐘。
爆完騷再爆肌
繼張家輝、張繼聰後，方力申及黎諾懿亦趕上「肌佬」熱潮，前者谷肌做內褲代言，黎諾懿則日夜操 fit接拍纖體廣告。
15分鐘返內地
黎諾懿買入的新愛巢位於元朗大井村，座落羅湖口岸及深圳灣口岸之間。若果返內地工作，可在大井村乘的士到最近的深圳灣口岸，需時十五分鐘，車費約一百元，方便日後黎諾懿返內地登台，過關返屋企快過打針。若揸車出市區，十分鐘就可到大欖隧道，再出九龍。
有升值潛力
「 Nicole起初同班 friend講，要喺邊境築愛巢，大家以為佢講笑，點知係真！問佢點解住咁遠？佢話同諾懿鍾意靜，所以撲鎚買嗰度當別墅，放假先會入去住當度假，佢仲話喺邊境置業，有升值潛力喎！咪睇 Nicole出身富家，同屋企人住幾千萬嘅君頤峰，自從佢同諾懿拍拖，已經嫁雞隨雞，陪男友屈居西貢大埔仔，食茶餐廳都冇所謂，簡直愛情飲水飽。」知情者說。
婚期進入倒數階段，黎諾懿開始為當廿四孝老公實習，日日收工唔係返車房，就係管接管送未婚妻。
住家男
連日追蹤，發現收工後的黎諾懿唔係返車房，就係第一時間見未婚妻，早前兩個收工孖住行超市。為儲老婆本，慳家黎著來著去都係嗰件外套。
景觀一流
本月初（五月九日），早收工的黎諾懿接埋 Nicole到新屋睇裝修。當日傾盆大雨，體貼的黎諾懿讓未婚妻留在車廂，自己撐住遮落車視察。現場所見，黎諾懿剛落成的愛巢，屬三層高的獨立排屋，地下花園約有八百呎面積，且景觀開揚，望向深圳灣。本刊向地產查詢，該山頂獨立屋雖然位置偏僻，但背山面海，環境一流，故樓價唔平，市價要九百多萬，屬元朗豪宅之一。
視察完畢，黎諾懿之後駕車出市區土瓜灣搵食，踎茶餐廳歎清湯腩。醫飽肚，睇五點半場的《超級潛能》，緊接返回未婚妻君頤峰屋企開飯，逗留至夜晚十一時，待黃色暴雨警告除下，才雙雙返回大埔仔村屋休息。
|
鍾意就快D Share啦！
|
|
|
