2014年5月29日 星期四

[壹週刊 1264] 肉交一年  100萬情婦贖身 食硬李心潔 彭順唔斬纜 彭順,李心潔,心潔,M1,




娛頭

肉交一年  100萬情婦贖身 食硬李心潔 彭順唔斬纜

憑電影《見鬼》獲金像及金馬影後的李心潔,跟導演彭順結婚四年,婚後表現恩愛,彭順留港拍戲,李心潔則大部分時間留守馬來西亞,照顧丈夫與前妻所生的女兒。鞭長莫及,不時兩邊飛的彭順原來在香港秘密另組一頭家,跟「 SING之天使」出身的李悅彤( Liddy)拍拖一年兼且住埋!據了解,彭順不單用一百萬為情婦贖身脫離前經理人,更搵兄弟開戲幫手捧對方做女主角。二人在圓方偷食斷正後,彭順雖然即飛馬來西亞箍煲,明知老婆口硬心軟的他,表面做大龍鳳請罪,但私下卻未有斬纜,食硬李心潔,繼續左右逢源。

一夫多妻

上週五(五月二十三日)傍晚,彭順跟比自己後生二十二年,現年二十六歲、𡃁模出身的李悅彤( Liddy)到圓方拍拖睇戲,零知名度的 Liddy全程不停向人夫彭順施展嗲功,大庭廣眾主動埋身,冧爆的彭順亦肆無忌憚,與對方又攬又啜親熱,睇完戲再去撐枱腳,之後更齊齊返回將軍澳日出康城愛巢。

爆出背妻偷食,婚前曾被拍到跟𡃁模 Kama羅凱珊到佐敦酒店爆房的彭順,即致電老婆自首,並於週一(二十六日)早上飛馬來西亞箍煲。

「李心潔好愛彭順,上一次已經冇追究,仲走出嚟撐佢,身邊朋友都覺得佢今次都會原諒彭順,只係時間問題,更何況李心潔喺馬來西亞長大,嗰度回教徒仲係接受一夫多妻制,所以佢可以容忍。」知情者說。

情婦 Liddy

07年,只有 19歲的𡃁模 Kama,被指跟彭順在佐敦酒店爆房。

10年,彭順跟李心潔結婚,邀請一班好友在小島觀禮,當日彭順跟前妻所生的女兒亦有出席。

彭順去年幫 Liddy坐正做電影《四非》女主角, Liddy十一月生日,他又請幕前幕後食飯慶祝。

逼二揀一

要急救婚姻,但彭順依然未有跟小三斬纜,事發後,跟情婦仍保持密切聯絡,而樂於有個導演情人助她在娛樂圈開路的 Liddy,亦向身邊朋友透露不會輕易放手。

「 Liddy之前一直都係同圈外人拍拖,但搭上咗彭順之後就好唔同,尤其事業低潮期,有個導演男友幫佢好多。其實佢哋今年初試過分手, Liddy要求彭順二揀一,不過無幾耐,佢又主動嗌復合,兩個好快無事。」 Liddy身邊人說。

李心潔連日來潛水,李爸爸則開口表示會好好教訓女婿。

今年四月,曾為照顧繼女停工兩年的李心潔,又再帶住她來港 shopping,彭順卻未有同行。

Liddy愛在微博跟彭順隔空談情。

逼彭順二揀一不遂, Liddy又會在微博大講「命運」,不過最後還是覺得要享受下去。

Liddy(箭嘴)近年跟一班 Sing之天使都有聚會,但樣貌明顯唔同。

當眾吵鑊

彭順愛在泰國拍戲取景, Liddy亦不時在微博放上遊泰國的旅行相。

早於今年一月初,本刊發現彭順跟 Liddy在銅鑼灣時代廣場發生爭執,當時剪了齊蔭髮型的她,攞住 shopping紙袋,跟男方在商場當眾拉扯一輪後,終被彭順氹番,二人孖住離開。

據了解,十七歲入行的 Liddy性格麻煩,過去因諸多投訴,已先後換了幾間經理人公司,一直發夢拍戲做女主角的她,一一年再跟奧美思娛樂簽了十年合約。

「拍拖幾個月後,彭順就叫跟開佢嘅黃柏基俾 Liddy喺新戲《四非》做女主角,男主角係周柏豪,因為柏豪唔知對方係彭順嘅人,開工無耐就追佢,拍到一半先知係監製彭順女友,都即刻收手,其實嗰陣彭順都喺泰國陪住 Liddy拍戲。」知情者說。

1月時代廣場糾纏

今年 1月,未爆背妻偷食,彭順依然肆無忌憚跟 Liddy在時代廣場拍拖行街,其間更吵大鑊,二人拉扯一輪,最後彭順氹掂女方走人。

私下接 job

有彭順做後盾,一直不滿經理人公司的 Liddy又再出招,最終更冧掂彭順出錢贖身。

「 Liddy上年底喺泰國拍完戲返嚟,就同經理人攤牌,仲話已經有錢喺手,隨時可以解約,咁啲錢當然係彭順俾啦。」知情者說。

求證 Liddy的前度經理人胡鳳玲,她承認對方曾付百萬贖身費。

「我唔可以講實數,一定有過百萬。(點解會反面?)佢一直都有私底下接 job,警告過好多次都係咁,仲愈來愈過分,佢肯搏去換機會,但我哋公司又唔會安排佢去啲唔正經飯局,佢咁叻女,抵佢有今日嘅。」

此外,寰宇老闆之一林小強亦表示公司旗下導演彭順,已飛馬來西亞處理私事,但他會照原定計劃,於八月到台灣執導《宅女偵探》。

去年 9月,彭氏兄弟執導的《逃出生天》首映禮,彭順(左一)跟彭發(右一)扮消防員,相似度近乎一百,難怪連梁家輝都叫大家唔好搞亂邊個偷食。



在前經理人公司的網頁,依然搵到 Liddy的相。

前經理人胡鳳玲

李心潔又再感情受創,連日來她的一班好姊妹也未有發言。

進化頻密

初入行的 Liddy,樣子普通甚至帶點娘。力爭上遊的她一直進化,唔同階段,樣貌亦有不同變化。

09年鼻翼闊

12年下巴變兜

13年鼻窄面尖

今年鼻高,下巴加長

做極唔起

彭順小三,令在娛圈沉了七年的李悅彤( Liddy,原名李婷)終於響朵。現年廿六的她,中六畢業曾在香港航空當空姐,後加入模特兒公司,並成功在無綫節目《耳分高下》擔任 Sing之天使之一「檸檬」,外貌平凡、三圍 32、 24、 33的她,當時在「天使」群中並不起眼。

12年, Liddy轉戰樂壇,推出首支單曲《幸福頭像》,反應亦麻麻,加上跟經理人鬧不和,最後唱片亦出不成;反而為動漫劇《甜心格格》唱片尾曲,則令人留下印象。一直想拍戲的她曾客串電影《喜愛夜蒲 2》及港台劇《沒有牆的世界 III》,搭上彭順後,去年終於有機會在新片《四非》中擔正做女主角。

易嗒女

導演等同話事人,在電影握生殺大權,亦因此帶來「覓食」之便,無論主動定被動,食女易過借火。

王晶

入選王晶的「晶女郎」榜,十居其九都會傳緋聞。最經典當然是 N年前的邱淑貞,之後有關秀媚、陳雅倫、梁敏儀等,近年轉向北食,開戲兼花百萬出寫真的童菲。

成龍

在自導自演過百部電影中,同成龍有緋聞的女主角多到不能盡錄。食得女多終遇虎, 98年被吳綺莉玩謝,公開宣布懷有龍胎。

葉念琛

食女導演亦有後起之秀。拍《試愛》系列跑出的葉念琛,身邊緋聞女星統統是合作過的演員,包括鄧麗欣、莊思敏、浸大 E神 Carol等,艷福拍得住班男星。



鍾意就快D Share啦!
Related Posts Plugin for WordPress, Blogger...