掃呢頁CODE去手機

2014年5月29日 星期四

[壹週刊 1264] 睇拍戲 唔黐杜汶澤  DaDa升呢上林家棟 DaDa,杜汶澤,林家棟,陳靜,M1,




DaDa與林家棟首次合作,第一場埋位就拍床戲,戲中 DaDa為了男友王敏德,被迫與飾演警司的林家棟上床。

探熱針

睇拍戲 唔黐杜汶澤  DaDa升呢上林家棟

去年八月自稱因情緒病閃退娛樂圈的陳靜( DaDa),避世三個月後自動蒲頭,公開對違約事件道歉並宣布復出。忽然病癒, DaDa回流即擔正做新戲《 Z風暴》女主角,夥拍古天樂、王敏德,又同林家棟上床,脫離低俗系列,正式升呢!

床戲唔清場

攞完金像獎最佳女配角,幾個月後以情緒病為由退出娛樂圈,三個月後又復出的 DaDa,神奇病癒!

復出第一擊,擔正《 Z風暴》女主角,埋位拍第一場,就要同男角之一的林家棟上床。「同家棟初次合作,第一場就係床戲,佢好專業好體貼,好顧及我嘅感受,喺最放鬆情況下拍攝;每一個 take導演一嗌 cut,家棟就會問我有冇事,好細心亦令我好信任佢。場戲唔需要清場,大家有包毛巾,點到即止唔會尷尬。」 DaDa說。

埋身肉搏, DaDa直言遇到好對手,讚林家棟專業又夠風度。



沒有杜汶澤及彭浩翔,換上林家棟及古天樂, DaDa即時升呢!

去年八月, DaDa自爆患情緒病閃退娛樂圈,三個月後再開記者會道歉宣布復出,自製傳奇。

古仔萬歲

合作的不再是杜汶澤、彭浩翔低俗班底,對手換上了古天樂、林家棟等人,電影題材關於 ICAC, DaDa自言在大家身上偷了不少師。

「家棟同古仔都係好戲之人,我覺得好幸運可以同佢哋合作。我好欣賞古仔,佢好錫工作人員,喺現場對任何人態度都好好,又好肯教我嘢;好似入面啲槍戰同逃走戲都係古仔教我點做,俾好多意見我,我冇諗過連逃跑都可以有唔同層次嘅發揮,喺佢哋身上學到嘢,係我最大嘅收穫。」

DaDa將古天樂捧上天,電影中另一女主角盛君亦笑言很想跟古仔演談情戲。

「我都係飾演 ICAC探員,可惜部戲主力講貪汙,冇談情戲份。古仔真人好靚仔又友善,經常萬歲請我哋飲飲食食。」盛君說。提到古天樂經常做老細, DaDa忍唔住加把口:「最凍嗰幾日喺郊區拍,古仔成日萬歲,試過即興 BBQ、打邊爐,我未試過拍戲拍得咁爽!」

飾演廉署調查員的古仔收到舉報要調查警司林家棟,二人有多場鬥智鬥力場面。

《 Z風暴》的導演是林德祿(左五),監製是《無間道》系列的莊澄(左六),古仔及林家棟膽拖歐錦棠、薑皓文、曾國祥等,名副其實男人戲。

黃百鳴的天馬電影新人盛君,在戲內飾演 ICAC調查員,對未能與古仔有感情線大感失望。

古仔提供不少演戲意見給 DaDa外,還不時搞 BBQ、打邊爐,令拍攝現場氣氛如一家人。

自從奪得金像獎「最佳女配角」後, DaDa減少作性感打扮,希望靠演技取悅觀眾。



鍾意就快D Share啦!