JM在中環租用的，是一個分租辦公室。當日她返到新公司，即跟同事開會。
探熱針
甩黎明袋 3,000萬 JM三萬蚊做老闆
將以三千萬身價過檔太陽娛樂的 Janice Man文詠珊，雖然泊咗個財雄勢大的碼頭，但二十五歲的她雄心壯志，決定自組公司做老闆，縱使大把水在手，照樣精打細算，三萬租二百呎地方，作為大展拳腳的陣地。
潮味基地
同黎明即將結束五年賓主關係的 JM，火速泊到由 Paco黃柏高揸旗的太陽娛樂，以三千萬包薪簽約三年。新碼頭出手闊綽自由度又高， Paco掌管 JM的工作，亦讓她自組公司做老闆。
獨立學揸數，一手一腳 set up基地的 JM玩精打細算，就算有幾千萬入袋，亦睇住嚟使，包括以三萬蚊租下中環一個潮味十足的寫字樓，作為公司基地。
JM的「新竇」，是由一個數千呎寫字樓 Garage Society，分拆成多個約二百多呎的小型辦公室組成，地方雖細，但對於暫時手上只有三個員工的「 JM Workshop」，絕對夠用。
現場所見，小型辦公室的租客以外國人居多，上址設有共用的開放式茶水房、三百呎大露台，還有單車及讓員工午膳的悠閒閣，玩型啱曬八十後的 JM口味。
「 JM雖然第一次做老闆，但每樣嘢佢都好謹慎，公司同事又唔多，冇必要租太大地方。佢話等公司上軌道，慢慢擴充都未遲。」知情者說。
緋聞男友
本週一（五月二十六日）下午，出爐老闆 JM一手挽袋一手攞住 iPad返到「 JM Workshop」，在二百多呎辦公室整理好文件後，再與同事開會。其間 JM一直細心聽同事意見，開會一粒鐘，之後轉到公司附近的置地文華 coffee shop，與另一班工作人員開會，行程緊湊！
事業有新發展， JM亦有新緋聞埋身，日前被影到醉攬開的士車行和素食餐廳老闆鄭子邦。據悉，男方是 JM飯局鐵腳，兩人經常孖咇做義工。
「阿邦雖然係有錢仔，但佢好有心，自組義工團， JM係義工成員之一，每個月會一齊去筲箕灣派飯俾公公婆婆。佢哋好老友，過唔到電， JM兩杯落肚就好 hyper，所以嗰晚先玩到咁！」知情者說。
主導權
近年愈嚟愈多藝人自組公司做老闆，全權掌握自己的事業，最緊要係話曬事。
謝安琪
先後與環球唱片、星煥及金牌大風提早「分手」的「 B餐」謝安琪，近日索性與經理人兼好拍檔自組公司「香港邁亞美音樂」，出錢出力自己捧自己，而另一邊廂再加盟北京華誼兄弟，全力進攻內地市場。
|
鍾意就快D Share啦！
|
|
|
