2014年5月26日 星期一

傳打針博生B YoYo有喜要護胎? YoYo,蒙嘉慧,




【短片】傳打針博生B YoYo有喜要護胎?

2014-05-26 01:01:00



其他影片:>>






傳打針博生B YoYo有喜要護胎?

「古惑佬」一班兄弟,除咗鄭伊健同謝天華未做Daddy外,其餘兄弟都等緊下月慶祝父親節。

今日就有雜誌報道指,現年47歲嘅鄭伊健,改變生B諗法,決定同舊年年初喺東京結婚嘅41歲太太蒙嘉慧(YoYo)生B,報道引述知情人士透露,YoYo婚後對住BB而激發出母愛,加上伊健父母好錫佢,雖然老人家冇話一定要抱孫,但YoYo覺得唔生係虧欠兩老。

決定生B,有指兩人尋求生B良方,經過身體檢查後,YoYo決定注射排卵針,又食補品調理身體。因港視開台受阻而令工作全面停工嘅YoYo,早前發現膝蓋痛,原來係半月板撕裂,不過YoYo未聽醫生提議接受手術,只係停止所有運動。

另外,以往佢哋兩夫婦都愛貓如命,據知伊健最近都唔肯畀啲貓接近老婆,原因係有人話孕婦若果唔小心感染藏喺貓糞中嘅弓形蟲,隨時會流產,甚至生下畸胎。

對此,上個禮拜四(22號),該雜誌記者藉伊健同老婆帶貓去九龍城睇獸醫時,就問留喺車上等老公嘅YoYo係咪冇做手術?YoYo回應時指半月板撕裂係舊患,醫生指可以揀做唔做手術,自己就唔想做。

問到係咪因為計劃生BB,所以先冇做手術?YoYo喺報道中就話:「做手術係快,但之後休養都要一段時間。」

當伊健發現老婆被記者追訪,即急步護航表示自己去做Gym,之後會返屋企,叫記者唔好再等。

至於伊健被問到太太是否有喜一事?佢就回應話:「我都唔知道。」仲話詳情叫大家可以問番該本雜誌。



(資料圖片)



有傳蒙嘉慧有喜要護胎。(資料圖片)



(資料圖片)



鍾意就快D Share啦!
Related Posts Plugin for WordPress, Blogger...