掃呢頁CODE去手機

2014年5月26日 星期一

0靚模Liddy施冧功 嘟嘴索吻 彭順「投降」




【C1詳盡版】0靚模Liddy施冧功 嘟嘴索吻 彭順「投降」

2014-05-26 01:15:00



(採訪﹑攝影:梁繼光﹑吳耀輝﹑潘冠恩)

憑彭氏兄弟電影《見鬼》榮獲金像獎及金馬獎雙影後嘅李心潔,於10年嫁畀導演彭順,不介意對方已育有9歲女兒,愛情至上嘅李心潔甘為後母,婚後主力做好人妻角色,每年只拍一部電影,生活低調;

相反彭順婚前已有偷食前科,於07年被踢爆與0靚模Kama(羅凱珊)夜蒲中環,最後更帶飲到啤啤夫嘅Kama到佐敦尋開心。以為彭順婚後會修心養性,怎知大前日傍晚約6時許,本報發現彭順現身圓方,與0靚模李悅彤(Liddy)密會。

現年26歲嘅Liddy,比彭順後生22年,兩人齊齊到戲院排隊買飛睇《香港仔》,其間Liddy向彭順大施嗲功,突然嘟嘴索吻,彭順望一望佢怕尷尬冇反應,佢不甘被無視,死纏望實他半分鐘,彭順投降與Liddy啜嘴,入場前兩人買咗一杯汽水同爆谷,Liddy再發功餵彭順食爆谷,旁若無人。

約8時許散場後,兩人各自去完洗手間,Liddy跳跳紮走向彭順,兩手拖住佢玩人肉拉筋,被冧到暈嘅彭順,再情不自禁啜咗佢一啖,Liddy即發出得戚甜笑,之後兩人喺圓方覓食,最後揀咗稻成亞丁京川料理撐枱腳。

飯後兩人意猶未盡,搭的士到尖沙嘴iSquare行街街,彭順搭住Liddy膊頭步入HMV,其間兩人打情罵俏,彭順扮向佢揮拳,Liddy即施擒拿手搣胸,兩人買完DVD,後再去便利店買飲品,之後齊搭的士返將軍澳日出康城寓所。



兩人結伴睇戲。



彭順輕搭Liddy膊頭。



手拉手



Liddy餵彭順食爆谷



兩人喺餐廳撐枱腳



情到濃時忍唔住咀嘴。



鍾意就快D Share啦!