【網民hot talk】六合彩端午金多寶縮水逾四成 四年來最低
2014-05-26 07:02:00
曾慶光踢爆今年端午金多寶彩金較去年減少3,000萬，大縮水約43%。
繼今年1月新春金多寶之後，巿民苦等4個月，明日（5月27日）終於有端午金多寶。馬會估計假如頭獎一注獨中，彩金可達4,000萬元，市民肯定「流曬口水」，但長年監察六合彩運作的網民「光仔仔」曾慶光批評，馬會在今年取消復活節金多寶情況下，端午金多寶彩金竟仍較去年的7,000萬元大縮水近43%。曾慶光曾向馬會查詢，獲回覆要考慮「一籃子」因素，他批評馬會「講咗等於冇講」。
「光仔仔」於2012年11月曾單人匹馬到亞視總部示威，對著亞視百人唱歌跳舞而揚名，他在facebook成立「七七四十九」專頁，自任主持談論六合彩事宜，今年4月已揭發復活金多寶突然消失，當時已向馬會查詢，獲回覆指金多寶的日期和彩金都考慮多個因素，並沒有確切答案。到今年端午金多寶只得4,000萬元，他再向馬會查詢，對方又重彈舊調，表示「金多寶攪珠日期及金額，會考慮多個不同因素，包括節日情況、金多寶儲備情況、年內金多寶攪珠次數等」，又指每年金多寶攪珠的次數和彩金都不一定相同。
光仔仔對《蘋果》記者表示，馬會提出的「一籃子」因素說法並未能解釋為何彩金大縮水，希望馬會提高透明度，以及增加金多寶攪珠次數。網民指今年端午金多寶之前，已有3期六合彩頭獎無人中頭獎，認為馬會應把累積彩金加上金多寶，令彩金更吸引，要求馬會解釋端午金多寶縮水原因。《蘋果》翻查資料，發現去年端午金多寶彩金為7,000萬元，而2012年為4,500萬元，2011年則是5,000萬元。換言之，今年端午金多寶彩金是四年來最低。
26歲的光仔仔表示，自18歲起投注六合彩，至今已達8年，平時每次投注數十元，到金多寶時就會重搥出擊，投注百多二百元，「估計咁多年花咗4至5萬蚊，試過兩次中四個半字，每次派彩9,600蚊，長遠梗係蝕，當做善事啫」。他指香港人不會亦不應旨望投注六合彩會發達，只能小額投注怡情，「我都係當興趣，唔會賭身家」。
【網民點睇】
Gil Boo Po：以前在金多寶的上一期冇人中頭獎，會把彩金撥埋落去跟住嗰期嘅金多寶，但唔知幾時開始馬會冇咁做，好似呢期冇中頭獎，應該有千幾萬的彩金去左邊？馬會從來冇交代！
可觀性高：中咗入股亞視。
成批會：唔會，自己開間仲好。
ほと ここあ心愛：咁都得？少咗成3000萬！
福音戒毒：馬會加價就識，5蚊注嗰陣多寶都3千萬啦，又俾佢搵笨。
光仔仔拍攝視頻講述端午金多寶情況。
光仔仔於2012年底單獨到亞視示威而揚名。
|
鍾意就快D Share啦！
|
|
|
