【韓流】金秀賢獲香港富婆 登全版廣告 預祝「百想」得獎
2014-05-26 14:15:00
金秀賢獲香港富婆登全版廣告，認真係超級粉絲喎﹗
金秀賢嘅魅力真係唔講得笑！雖然有「韓國金球獎」之稱嘅第50屆百想藝術大獎聽日先舉行，但今日已經有香港粉絲，忍唔住預祝佢得獎，喺韓國《朝鮮日報》刊登成版廣告，令金秀賢勁有面子！
呢位香港粉絲署名叫做Cecilia，佢喺廣告上分別以韓文同英文寫住：「真心祝願金秀賢能夠奪得百想藝術大獎，我會永遠支持你同愛你。」
據該報透露，呢位登報嘅粉絲係某位香港富豪嘅老婆，上星期聯絡佢哋話要登全版，幫獲得四項提名嘅金秀賢助威。
其實過去都有唔少粉絲登報祝賀偶像，但以個人名義登成版廣告實在罕見，據知今次咁登一登，要使成23萬至30萬港元。有其他「金粉」都讚呢位香港富婆勁，亦有人話等金秀賢得獎後再登都未遲。
|
鍾意就快D Share啦！
|
|
|
