2014年6月17日 星期二

雨僑「反狗肉節」掀罵戰 羅力威無奈:唔想評論 羅力威,羽翹,雨僑,




【新鮮娛頭】雨僑「反狗肉節」掀罵戰 羅力威無奈:唔想評論

2014-06-17 07:15:00



(攝影:陳順禎)

陳志雲﹑施永青﹑麥玲玲﹑鄺美雲﹑黃芷晴﹑葉家寶及羅力威等,噚晚出席金鐘港麗酒店舉行嘅 「命運交響廳分享會」。

羅力威先自彈自唱《獅子山下》,然後再到施永青上台,陳志雲就問羅力威,有乜嘢想請教施先生?陳志雲表示:「佢女友雨僑用咗六百萬買樓。」

羅力威就冇乜反應,陳志雲再問:「你即係認咗佢係你女朋友?」羅力威並無否認,但跟住岔開話題,羅力威自爆有五﹑六十萬現金,佢話想喺九龍區入個單位,都想問施先生意見。

事後羅力威接受訪問,講到女友雨僑喺網上講「反狗肉節」言論,竟惹起罵戰,無端遭網民鬧爆佢假正義,羅力威無奈表示:「自己唔想評論呢樣嘢,呢個世界有唔同嘅人,冇可能一概而論嘅。」

咁女友被鬧爆,有冇心痛先?羅力威支吾以對:「能夠喺網上面勇敢發表言論,係一件幸福嘅事,要珍惜一下0依家仲有自由空間發表你想講嘅嘢。」

此外,羅力威新歌本身叫《雨後彩虹橋》,但有傳被公司Ban咗,變咗《彩虹橋》,問羅力威對音樂有乜嘢睇法,佢話:「音樂嘅嘢,好多時係生活上唔同情況,唔同感情滋潤下而形成。(你啲歌一定要有愛情?)絕對包括,但又唔想成日將感情事掛喺嘴邊,大家關注我啲音樂。(今次問你啲歌囉﹗)咁又係喎。」

另外,陳志雲同施永青喺台上Chit chat,講到請人方面,施永青就話:「自己乜嘢人都請,狗屎垃圾人都請,千里馬難搵嘛。」此時陳志雲就話:「CY(梁振英)組班子有冇搵你呀?」施永青表示:「其實普通人都做得好好。」

施永青又自爆中學年代係左派人士,佢話:「嗰個年代掛Banner係犯法,當年讀新法書院,想做啲嘢,要掛到Banner而唔畀人話。」

施永青又表示:「當時將一卷含有左派訊息嘅Banner捲埋,再用炮仗捲住佢,然後再點著藥引,一點著抽炮仗就爆,條Babber跌番落嚟,除咗Banner跌落嚟,有關於呢啲Message傳單,會飛曬出嚟。」

施永青又回想當年自己做嘅嘢都係犯法:「好多同學畀我害死,有啲同學仲因為咁,而被拉去赤柱(監獄)坐。」

此外,施永青表示去年座駕受襲擊,應該與報章生意無關,應該係佢唔畀面惡人,係佢啲人面前落佢面,你只係喺佢面前講,都冇咁嚴重。

陳志雲就問:「咁你即刻知道係邊個?」施永青話:「我估啫,估唔可以當真。」陳志雲再問:「咁有冇同警方講?」施永青再答:「講開有講埋。」











雨僑遭網民鬧爆。



陳志雲及施永青



鍾意就快D Share啦!
Related Posts Plugin for WordPress, Blogger...