熱爆娛樂: [忽然1周 990] 嚇鬼死　群妖佔領書展陳蕊蕊 AD2 藍莓藍莓,陳蕊蕊,蕊蕊,熱門,書展,劉俐,MW,

2014年7月18日星期五

講真，今年書展真係無乜靚女出寫真，陳蕊蕊周三（ 16日）谷胸加短褲上陣，可以話係全場最省鏡！

書展年年有，今年妖氣特別重！媽咪姐唔係話自稱會送着過內衣回饋 fans嘅藍莓，更加唔係講會喺網上出禁相嘅金剛女陳蕊蕊呀。嗱， AD2露暈女 Amy失驚無神喺灣仔天橋底「露三點」，就真係嚇鬼死你，騎呢無極限嘞！唔通真係國之將……必有妖孽？啋啋啋，我媽咪姐閘住，正氣長存呀！

由於尺度過激，由金剛親自為女友陳蕊蕊操刀嘅一批家居牀照無得擺入寫真度，但唔緊要，「禁忌」係用嚟打破㗎嘛！蕊蕊話：「呢批禁相遲啲會擺入電子書度，唔好嘥咗佢。」嘩，好勁呀……金剛嘅大方程度。呢啲咪係男人嘅豪氣囉！

陳蕊蕊話喺自己屋企影，求其搵啲內衣就着上身，夠 casual又夠 free！仲由男友金剛操刀，同佢哋嘅性生活一樣，保證「安全」。

好嘢怕咩晒！（設計對白）

今年書展唔算多寫真出，上年成功騎劫書展嘅 AD2露暈女 Amy即刻又有機會出位！佢好自豪咁話自己上年喺灣仔天橋上「一吻成名」，所以今年露埋「兩點」就完美。 Btw， Amy話諗住封胸，請大家用念力幫佢啦，阿們。

上年扮 les

上年書展， AD2嘅 Aily同 Amy喺通向會展嘅灣仔天橋上濕吻又揸胸，扮女同志，嚇親街坊。

今年玩到去灣仔橋底， Amy一嚟就幫寫真拍檔 Ivy剝衫。

剝完，忽然拉另一拍檔 Angi打沙灘波，後尾幾個女仔扮鬧交。

沒有最肉酸，只有更肉酸。 Amy除剩條畫咗「兩點」嘅肉色裙，條裙嘅拉鏈仲係爛嘅，佢要全程掹住，加埋嗰對阿嬸拖鞋，汗……

「露點」有成!Amy成功爭取灣仔橋底嘅地盤工、阿伯、阿叔嘅注意，喪影喪望，恭喜晒！

第一次出寫真嘅藍莓話唔同人比較，只做好自己喎。都啱嘅，所以佢都係攞啲自己嘢益大家，「我會將喺寫真集着過嘅衫送俾 fans，但係我洗過㗎。」嗯……望吓先，成本寫真集唔係着泳衣就內衣噃，明晒！宅男們，收嘢嘞。

藍莓去書展宣傳，竟然着條包到上頸嘅連身裙。 Well，難怪圍住佢嘅……係記者多囉！

媽咪姐班宅男 friend發現喺藍莓寫真入面，有張疑似露暈嘅牀照，同下面陳蕊蕊嗰張一樣，好有「疑點」！

今次寫真戰有外國勢力加入，有「韓國林志玲」之稱嘅金愛研（右）同日本索模清穗久美子合作出寫真， 1書 4球，非常抵買！作為極少數可以喺書展會場搞簽名會嘅寫真女，又真係威威。之不過，金愛研風騷得滯，忽然露出胳肋底一大撻詭異的疤。咦，韓國啲醫學明明「好昌明」㗎喎，呢次真係失策嘞！

鍾意就快D Share啦！