2014年7月16日 星期三

[FACE 373 專訪] 逃出大台 楊思琦都話自己勇! 思琦,楊思琦,MF,




面對面

逃出大台 楊思琦都話自己勇!

藝人奮鬥史,十個有七個是從路人甲開始,捱過窮過辛酸過,終於有一天守得雲開,居高臨下感慨當初。

像楊思琦這種從有到無再跌到落谷底的則是少數。訪問那天,我說到大台制度官僚、藝人難約,她替舊東家舊同事說好話:「唔怪得佢哋㗎!嗰啲人紅起上嚟劇疊劇, P.A真係唔肯放人,有時仲要高層批準呢……」那口吻,十足十的局外小角色,就好像她忘了自己其實曾幾何時也是當家花旦,也搶手過。

01年選港姐時是史上獲獎最多冠軍, 03年一拍劇就做女主角,愛奀茄李泳豪愛足九年更是純情又慳儉,形象 100%正面……直到三年前,分手移情再做埋未婚媽媽,一次過犯齊大台所有禁規,被貶為庶民被打入冷宮。

今年四月, 35歲思琦妹宣布離巢不續約,既不是有名有利野心勃勃要自組公司,也不是世界妹相識滿天下有更好路數,我問她哪來的膽量,她笑咪咪說:「個女俾我囉,我都覺得自己好勇!」



其他影片:>>思琦妹玩兇狠






跟住點行好

Q:外傳有線請你去做育兒節目主持?

A:未決定㗎……

Q:又有話商台陳志雲都斟緊要同你合作?

A:未有人聯絡過我……

Q:咁你決定唔續約後嘅 plan係?

A:我冇 plan㗎,個決定都係四月要動筆簽約前,最

後一刻突如其來嘅信心。其實呢個信心好好笑,出邊風大雨大,我又咩人都唔識,下個駁腳點都

未有,都唔知個信心喺邊度嚟,我都好佩服自己。

Q:咁你又搏?

A:我 35歲,再續約、再簽多五年,到時年華老去,就算夠膽行出去都唔慌會行得遠。好似人哋供

MPF咋嘛,後生啲可以買高風險組合,再老啲,你肯買、人哋都唔肯受。

Q:呢個想行遠啲嘅衝動,做媽咪之前有嗎?

A:梗係冇我本來仲以為自己會喺 TVB好耐好耐

添,無嗱嗱做咩要走呢,每個月𢭃住人工,唔使驚

又唔使搏,你話幾好?我想為個女做多啲,因為佢

嘅支柱就係我一個,我想為佢嘅未來再安排好啲。

Q:離開大台算幾勇,不過唔夠你生個女出嚟咁勇。

A:應該咁講,我係估唔到自己生得佢出就真。我

自細體質差,成日冇氣冇力成日受傷,我以前

真係好懷疑自己生唔生到仔,捱唔捱到十級痛……

到捱過咗,唓,呢個世界仲有咩痛得過生仔呢?

屋邨港姐

《蘋果日報》圖片

失蹤風波

任人魚肉《忽然 1周》圖片

飛躍有獎《蘋果日報》圖片

相愛九年

網上圖片

講價我至叻

Q:現時工作安排成點?

A:又會咁奇妙,我冇計劃,但係 一離開公司後,就有各方好友

打嚟,伸出援手,傾下工作,工作量其實比以前更充實。

Q:總好過以前靠公司等運到?

A:都係嘅,大公司係靠山,但係都會有牽制,一切等公司

安排,冇安排時就要等。當戲份越嚟越小時,其實我都

好多謝綜藝科班同事,成日記得搵我,等我仲有機會

喺電視出現。以前年紀細、唔識嘢,有嘢俾我就去做,大

個先知,原來機會唔係成日有,唔係一定會工作疊工作。

Q:由紅到唔紅,感受到人情冷暖嗎?

A:唉,唔係淨只呢個圈,去到邊人都係現實㗎啦。最明顯咪

係派俾我嘅工作,通常係人哋揀淨嘅猪頭骨囉。好似 07年

《舞動奇跡》咁,又要練舞又要比賽,好多人唔肯做先至

叫到我。但係原來呢個節目又令我喺大陸有好高知名度,所以話,塞翁失馬焉知非福呢?

Q:由 01年選完港姐就有無綫經理人湊大,現在全靠自己習慣嗎?

A:學習中,𠵱家我揀工作、 mark期表、借衫約梳化都係自己

嚟,以前公司會影宣傳相,影月曆,𠵱家年中已經要幫自

己打點影宣傳照囉。喺屋企都係,要靠我一個人 run全家,原來啲膽同領導能力會走晒出嚟,我覺得自己有用咗。有

啲實在搞唔掂,就會打俾朋友求助,有時啲細節同價錢自

己實在唔識傾。

Q:同人講價係唔係你弱項?

A:唔係呀,我講價 ok㗎,買餸嗰啲。

話我貪錢

Q:有冇人追?

A:有人對我有好感,但我對人哋未有,慢慢嚟,我唔急。邊個唔想感情一路順從一而 終呢?遇到唔想遇到嘅,條路都要繼續行。

Q:做單親媽咪又經歷事業低潮,楊媽媽會唔會好擔心?

A:我都係人媽咪,換轉我個女咁,都一定會擔心。好在我份人喜形於色,有咩都唔會

瞞佢,去邊都會話佢知,媽咪放心好多,起碼唔會覺得屋企藏住一個定時炸彈。

Q:你覺得當初同李泳豪分手,自己有冇處理錯?

A:感情嘅嘢真係冇對錯。好多人覺得嗰段日子對我嚟講好似個天跌落嚟……其實冇咁

嚴重。分手、拍拖、做媽咪,人人都會經歷,我嘅分別係多個人識,多個人評論。

喺我決定生個女出嚟時,我冇諗過,呢個舉動係唔係會令人反感,係唔係會破壞形

象,嗰啲嘢唔係我考慮嘅範圍。

Q:咁吳帥係唔係別人眼中咁負面?

A:一個人喺呢個圈浮浮沉沉,人哋就自然唔會寫得佢

好。我覺得佢的確係被誤解咗。一段感情,兩個人

一齊經歷,點都好,對方係一個陪我一齊行過嘅

人,分開咗我唔會怨對方。我可以話嘅,佢係一

個好人。

Q:咁外界話你貪錢,所以誤信空心老倌的傳聞呢?

A:貪錢?我貪錢!你叫啲人去電視台嘅停車場去行

個圈先話我貪錢?

匿埋生女

圖片

相依為命

新歡駕到

圖片

一殼眼淚

大媽接機

點先去得樂大媽生日 P

13年的電視台歲月,老老實實,思琦妹就是一個任人魚肉的弱者形象,聽說她要走,人人叫好:「個個訪問都話要幫我申寃,幫我抱不平,叫我講多啲血淚史,其實我無寃要申喎,反而係以前經理人俾人誤會晒,其實佢睇住我大,睇住我攞飛躍獎、進步獎,睇住我生女做媽咪,十年感情喇,唔係公司派俾我咁簡單。」話雖如此,答案中其實還是能看出甚麼。

Q:點解你冇得去樂小姐個生日 party嘅?

A:吓?我唔知點先至有得去呀,你呢個問題應該要問樂小姐。

Q:個個花旦小生話無綫係一個大家庭,我唔信囉!

A:睇你講邊方面啦,其實都可以好溫暖,啲梳化服,啲布景、燈光、木工同事好熱心,成日叫我食多啲嘢,話我太瘦。

Q:人在谷底係唔係感受到人情冷暖?

A:都唔係全部走晒,仲有朋友喺度嘅,喺谷底望上嚟,都真

係俾我望到一隻手伸出嚟扶我一把。嗰個係 Modern Beauty

老闆娘(曾裕)。

仲有仲有,思琦妹一句勝過人哋講十句嘅,就是前文那一句:「我貪錢?你去電視台停車場行個圈先」



鍾意就快D Share啦!
Related Posts Plugin for WordPress, Blogger...