掃呢頁CODE去手機

2014年7月16日 星期三

[FACE 373] 貼圖區 失魂嘉欣跌行李 霸氣汪阿姐費事理 汪阿姐,阿姐,汪明荃,MF,




劇中嘉欣 BB做助手,阿姐就做當紅天后;阿姐呢套連身豹紋套裝,真係完全展現天后級嘅霸氣。#霸氣豹紋#黑超

真面目

貼圖區 失魂嘉欣跌行李 霸氣汪阿姐費事理

除咗〈熱咖啡〉,汪阿姐最出名梗係惡基本上套劇有汪阿姐拍,就好似有個班長喺劇組,冇人敢遲到,亦冇人敢唔帶腦返工。

雖然阿姐喺電視台惡晒,但原來最怕後生女。事關上套劇《巴不得媽媽》,鋒頭全被岑麗香蓋過,自此汪阿姐都唔想再同嗰堆女神 BB拍劇。最近汪阿姐為《華麗轉身》開工,劇中除咗又有岑麗香外,更多埋個嘉欣 BB。今次阿姐先下手為強,一開工已經女皇上身。前週五( 4日)喺機場拍攝外景,期間嘉欣 BB唔小心將劇中嘅道具行李推跌晒,企隔籬嘅汪阿姐,一於繑埋手當冇事發生,睇住嘉欣 BB執餐死,汪阿姐個朵你估白叫㗎!

唔係劇情需要呀!當時停咗機㗎!嘉欣真係唔小心跌咗啲行李, Lisa姐真係可以扮睇唔到囉。#理得你

由於行李全部係吉箱,所以好易跌, roll機前嘉欣又跌多次, Lisa姐睬你都傻!

化妝、髮型全部貼身跟實汪阿姐,嘉欣 BB惟有自己搞掂

雖然話阿姐先係女一,不過套劇有方力申、鍾嘉欣和岑麗香,難怪有傳阿姐會擔心自己唔夠班後生仔女搶!

嘉欣同汪阿姐真係冇咩兩句,埋位前阿姐就坐喺私家櫈撥住涼等開工,嘉欣 BB就罰企。

汪阿姐真係有霸氣㗎,連松哥都要揸住把扇幫佢擋太陽。#老拍檔

《巴不得媽媽》是岑麗香第一次拍劇,點知儍大姐性格加埋性感演出,鋒頭即刻蓋過孭飛嘅汪阿姐同黃淑儀。難怪阿姐擔心今次又歷史重演,輸畀兩個 BB女嘅!

松哥同阿姐最近一次合作要數到 01年《婚前昏後》,阿姐飾演松哥老婆,因車禍而昏迷咗 16年。

二人最經典合作係 80年嘅《京華春夢》,當時汪阿姐已係一綫花旦,當時鍾嘉欣都未出世。

香香第二次同汪阿姐合作,不過今次《華》劇以汪阿姐同松哥感情戲為主線,應該唔會被第三女角香香搶到鏡啩。



鍾意就快D Share啦!