2014年7月16日 星期三

被指追女箍實老公 Kelly:兩個囝囝仲箍?唔生喇﹗ Kelly,陳慧琳,




【短片】【宣佈封肚】被指追女箍實老公 Kelly:兩個囝囝仲箍?唔生喇﹗

2014-07-16 02:46:00



其他影片:>>






【宣佈封肚】被指追女箍實老公 Kelly:兩個囝囝仲箍?唔生喇﹗

近日有雜誌指陳慧琳(Kelly)老公劉建浩,被拍到同朋友食飯時,劉建浩與一位貌似0靚模女子有親密舉動,報道又話Kelly要追女箍實老公

今日Kelly出席金至尊活動時,被問到要生女箍老公一事,佢話:「唔使啦,兩個囝囝仲箍?唔生喇,生仔都箍到,之前嘅痛苦經歷,唔會輕易嚟多次同冒險,0依家兩個都好辛苦,要湊同埋教,要俾時間同心機。」

問Kelly係咪忙湊仔而少咗陪老公?佢話:「唔係呀,我哋一齊湊。」問佢有有冇同老公講番個報道?佢即話:「我全部都識架,係birthday party。」咁老公有冇唔開心?Kelly話:「佢有話『吓,正常社交都唔得?』佢啲朋友都話以後同佢去街要化妝、整頭,個個著靚啲。」

Kelly話個女仔佢都識,係十幾二十年朋友,個女仔仲有個十幾年嘅男朋友,全部都識。

問佢有冇叫老公下次唔好玩得咁close?佢話:「我有咁講,但係有時玩下玩下就唔記得啦,玩吖嘛,唔係掛住影相,同埋都係角度問題,唔怕啦。」

會唔會叫老公下次帶埋你去?Kelly即話唔會同唔使,佢話:「我仲要去聚會就好忙,老公出去,我就喺屋企照顧,我出去佢就返屋企,好似輪班咁,如果係親子朋友就一齊去,佢夜晚去飲酒嘅就唔去喇。」Kelly話暑假都想同老公、囝囝去旅行,最好近近哋,佢又話會安排游水、跳舞同畫畫等興趣班俾囝囝學。



陳慧琳話唔再生B,又話0依家湊兩個囝囝好辛苦。



陳慧琳今日出席金至尊活動,吸引大批途人圍觀。(攝影:陳志嵐)



Kelly表示暑假都想同老公、囝囝去旅行。



呢個表情.....



狀態大勇﹗



Kelly話認識老公喺飯局中的朋友。







Kelly老公劉建浩及囝囝蝦蛟仔﹗(資料圖片)



鍾意就快D Share啦!
Related Posts Plugin for WordPress, Blogger...