陳倩揚就快生 BB，喺《東》減到一星期一晚，加埋佢忙緊年尾出書，就算 cut人，佢仲有後路。
媽咪姐
《東張》不保？ 陳倩揚朱凱婷：無得驚
大台上周二（ 16日）裁咗五十個幕後，兒童組仲成為重災區。之後又到《 Sunday扮嘢王》結局篇出事，藝人呻爆話騷錢竟然係贊助商嘅禮物。不過，估唔到今次大台向維穩節目《東張西望》開刀。
之前，《東張》因為抹黑向華強，要出道歉公開信，已經夠麻煩，依家又傳節目會裁一半幕後人呀！查實唔少人都知，高層余詠珊嫌《東張》內容唔夠 update，又唔係自己班底，連根拔起只係遲早問題。
媽咪姐同主持陳倩揚傾過，佢話：「作為員工唔需要評論，每個節目都有存在嘅意義，總之每一日做好自己嘅崗位，都無得驚。」而朱凱婷都係咁諗，「無得驚，其實幕後都好忙，而且公司需要呢類型嘅節目。」媽咪姐都明嘅，佢哋做主持邊有話事權，又打緊大台工，講嘢都係小心啲好。
|
鍾意就快D Share啦！
|
|
|
