藝人張致恒（Steven）近年屢傳財困欠下「街數」，雖然他積極返工又去做搬運，又北上接幕前演出，建立顧家好爸爸形象洗底。不過，近日網民社交平台發長文，痛斥張致恒並揭開其「真面目」，指他無論在圈內圈外均欠下巨債，再踢爆他與妻子區燕雯（雯雯）利用套路博取同情和傳媒報道以及外界關注。
博主指張致恒「呢條友」在圈外、圈內均欠人錢，林盛斌（阿Bob）都曾借錢給他，只不過大家「唔會搲爛面追數」，「阿Bob講過：『仲等緊對方嘅還錢方案。』」已暗指還款遙遙無期。
博主直言一早已睇穿他與雯雯的套路，指張致恒與妻子雯雯利用「窮」、「欠債」、「4個小朋友」以及「自閉症」四大主題作為「套路」，不斷刷人氣與蹭流量。直指：「你哋話佢係『負債KOL』呀嘛，佢就做畀你睇，仲做得好好添。」對於雯雯久不久便在社交平台發文「要生要死、離婚、cut電」，博主直指這是張致恒兩夫妻規劃好的計劃：「因為佢一出Story就會有報紙寫，第二日又可以獲得關注！」
博主指除了圈內藝人受害外，透露有圈外人向他爆料，指張致恒不斷在不同的工作地方向身邊的人借錢。有苦主透露在2022年借了6萬元給他至今「一蚊都無還過」，直言：「借之前好契弟，講到同你X都得，借咗之後『你逼我都無用架』。」博主更指張致恒今年即使接下不少工作，但完全無意還錢：「無論佢搵一萬同十萬都係還唔到，最叻雙眼通紅咁講：『屋企好大開支，未有能力還。』」將任推向家庭負擔。
同時，博主分享了疑似張致恒同債主對話的截圖及錄音，其中一段錄音中，疑似張致恒以極其哀求的語氣向對方說道：「你幫埋我今次啦，我真係……我真係會還畀你㗎！我就算……我每個月（還）一、兩千，起碼我都真係會還啦係咪？我會還㗎，我求下你」相當低聲下氣。
另一段對話錄音中，債主追討，疑似張致恒則顯得十分「賴皮」，回應：「喂大佬，我爭你錢啫，使唔使玩咁大呀？再加上，講咗好多次畀你聽，我冇錢我點還畀你啫？你點樣逼我，點樣催我，我都還唔到出嚟，係咪先？」截圖中亦顯示，債主曾極度不滿地回覆：「唔使講，我已經聽過，我最憎講大話。」以及「喂，你爭錢要還錢㗎啦，你冇錢還大晒係咪啊。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
