深田恭子水着寫真集 擊敗白石麻衣 銷量稱冠
2014-12-16 17:38:00
日本女星深田恭子上個禮拜發行全新水着寫真集《Down to earth》，佢曬得一身古銅膚色，一於標榜健康嘅性感形象，加上又換上多款比堅尼，認真夠晒睇頭！
《Down to earth》甫上市即反應熱烈，最近就打敗同期推出寫真集嘅一眾對手，包括近期人氣急升嘅女子組合乃木坂46主將白石麻衣。
據日本amazon購物網嘅寫真銷量榜顯示，深田恭子呢本新作就穩佔冠軍，白石麻衣同日上架嘅寫真集《清純的大人》就屈居第二位，但有指白石麻衣走勢凌厲，所以呢本寫真集出貨量多達10萬本！
深田恭子（左）寫真集撼贏白石麻衣。
