掃呢頁CODE去手機

2014年12月9日 星期二

七度做胸部手術 佐敦拆彈 阿仔唔撐:媽咪巨胸去咗邊? 佐敦,BKD_S,




【短片】【「拆彈」專家】七度做胸部手術 佐敦拆彈 阿仔唔撐:媽咪巨胸去咗邊?

2014-12-09 00:50:00



其他影片:>>






【「拆彈」專家】七度做胸部手術 佐敦拆彈 阿仔唔撐:媽咪巨胸去咗邊?

成日僭建嘅英國巨胸名模佐敦(Jordan)原本擁有34FF上圍,上月底佢話要自己胸部更美,而第七度做胸部手術時,大家都以為佢要再隆胸,原來佢係拆彈,仲足足跌咗5個cup,由34FF變成32B。

佐敦嘅朋友最近接受訪問就解釋佐敦拆彈嘅決定:「佐敦話畀朋友聽佢厭倦每次都要特別訂製合身衣服,而多年來佐敦亦覺得佢要憑雙胸而被記住,佢亦想人知道佢係個女商人同企業家,0依家拆彈係適當時機。」佐敦昨日就係網上分享一張自拍照,胸部明顯縮細,佢話:「我絕對愛我嘅新胸,我可以帶住佢拍新年曆」

不過佐敦嘅9歲兒子Junior就唔欣賞,佢問媽媽說:「媽咪,你僭建嘅巨胸去咗邊度?」又話:「媽咪,我愛你嘅僭建巨胸,我嘅朋友認為你身材好苗條,全因你有呢個巨胸!」

當佐敦話「Junior你今年先9歲」時,Junior話:「0依家啲男仔思想好前衞㗎!」真係俾佢激死!



佐敦拆咗彈,由34FF上圍,變到得番32B。



不過佢囝囝竟然唔撐,仲問媽咪巨胸去咗邊,認真人細鬼大。





鍾意就快D Share啦!