掃呢頁CODE去手機

2015年3月24日 星期二

甩拖後首度同場 吳浩康黐實鍾舒漫博復合 浩康,鍾舒漫,吳浩康,



甩拖後首度同場 吳浩康黐實鍾舒漫博復合



其他影片:>>






甩拖後首同場 吳浩康死黐鍾舒漫博復合

英皇昨晚於九龍灣展貿筵開六十三席,慶祝英皇電影成立十五周年,同時宣佈連串已落實計劃,包括Twins合體舉行演唱會、黃秋生及吳君如合演舞台劇《躁狂父母》及開拍新一輯《十二道鋒味》等。

分手後又行街斷正被傳復合的鍾舒漫(Sherman)及吳浩康(Deep)同場現身,宣傳人員刻意分開兩人見傳媒,台上大合照都各站一方,但在台下則同坐一桌兼鄰坐,又貼頭密密傾偈。Sherman受訪時說:「要講嘅之前都講咗,冇變,情侶關係斷一斷,需要時間休息。將來嘅事冇人知,𠵱家想專心工作,Deep都係咁諗。(怕唔怕冇人追求?)唔怕,唔係讀書時代細路仔心態,一定要拍拖。」



■鍾舒漫承認與吳浩康有溝通,但已不是情侶關係。



■鍾舒漫與吳浩康於晚宴同坐一枱,其間亦有傾有講。



■吳浩康與鍾舒漫分手後首次公開合照,但表現生硬。

Deep乘機表白

Deep則表示多謝大家關心,問他是否箍煲成功?他說:「大家見面有溝通,我只可以講,我確實對佢做咗好大傷害嘅事,要畀時間佢消化。」與「其他人」關係是否處理好?他乘機向Sherman發表愛的宣言:「嚟緊人生日子只會得一段關係。」

容祖兒昨晚以超低胸裝現身,她笑言:「尊重場合就梗係要騷吓個iPad」有雜誌報道祖兒是四億樓王,有十二個物業,而且很多都是一次過付款,祖兒即說:「邊有咁叻!(係咪有十二個物業?)咁佢講嘅嘢,有啲係有佢嘅根據,總之我投資心得係有個好媽咪。」



■祖兒笑言尊重場合才穿deep V騷iPad胸。



■阿嬌(左)阿sa將於年底合體開演唱會。

另外,去年撐佔中被內地封殺的杜汶澤,一直有傳不獲英皇續約,昨日他表示去年已續約:「上年最敏感時期已經續約。(暫時只做監製?)睇吓乜嘢戲,演黑社會梗係搵我」他又大讚老闆楊受成對整個電影界都很支持。

英皇昨日下午亦有參與會展舉行的「影視娛樂博覽」,公佈十五部新片資料,大部份參與演員及導演均有出席,已離巢的張家輝以神秘嘉賓現身,並與楊受成齊齊打手印,承諾會合作拍戲。另外,張學友、林嘉欣相隔十三年再合作拍電影《暗色天堂》,電影以揭示社會病態及人性陰暗面為題材,是林嘉欣老公袁劍偉首次執導作品。

採訪:馬建華、溫敏芝

攝影:陳志嵐

鍾意就快D Share啦!