近年積極行善，擔任聯合國難民署特使嘅荷里活女星安祖蓮娜祖莉（Angelina Jolie），不幸遺傳自母親，被確診罹患癌症初期，堅強嘅佢喺美國《紐約時報》撰文自爆，上周已完成割走卵巢及輸卵管嘅手術，為嘅係要睇到子女成長，同埋見到未來嘅孫。
現年39歲嘅安祖蓮娜喺文中慨嘆，自己提早進入「更年期」，傷心自己不能夠再生細路，但為咗自己同屋企人著想，決定用呢個方法減低患癌嘅風險。安祖蓮娜嘅母親56歲時因為卵巢癌死，佢自己不幸是癌症高風險群，DNA帶有家族遺傳性乳癌和卵巢癌的BRCA基因突變，換言之即有較高機會患癌，所以佢喺13年4月為咗預防患乳癌，就已經切除咗乳腺。
