掃呢頁CODE去手機

2015年4月11日 星期六

《人形蜈蚣3》曝光 超過500人被串連 人形蜈蚣,



被稱為「歷來最變態電影」的《人形蜈蚣》今年將會有最終回上映,首條預告片剛剛曝光,今次被串連做「蜈蚣」嘅係超過500人!

由荷蘭導演湯姆希斯(Tom Six)執導,喺2010年推出呢套極之變態恐怖嘅《人形蜈蚣》第一集,由於過度大膽、血腥、嘔心,一度被英國禁播。雖然好多人一睇到都話頂唔順,不過電影喺2011年仍然拍咗續集,仲會喺今年推出埋最終章《人形蜈蚣3》。

《人形蜈蚣》嘅內容係講述一名典獄長比爾柏斯,由於囚犯人數過多搞到監倉動亂,加上佢覺得自己嘅付出得唔到應有嘅尊重,最後佢從《人形蜈蚣》電影得到靈感,就係將所有囚犯嘅口同肛門縫接起嚟,變成一條人形蜈蚣,後面嘅人只能夠靠食前面嘅人嘅糞便維持生命。呢個概念唔新鮮,同上兩集一樣,不過今次被串連嘅超過成500人咁多,真係聽到都想嘔。
鍾意就快D Share啦!