衛蘭由黎明一手帶人行，簽約旗下A Music，但係黎明作風固執又古怪，控制慾強，旗下藝人早已經雞飛狗走，一個不留！
簽十年長命約嘅衛蘭終於走得甩，當初公司有天后又有model、唱作人、仲有演員，可謂人才濟濟。天后楊千嬅亦難頂黎明控制慾，唱片上到歌曲、揀歌、派歌都要話事，結果合約一到千嬅寧死不續，否則連寰亞經理人合約都唔簽。
由黎明一手捧紅嘅Janice Man 文詠珊，約滿亦同黎明bye bye，轉投太陽娛樂旗下。仲有由黎明一手由中國星轉會到A Music嘅陳小春，就鬧爆黎明阻住搵食，當年話同佢出唱片，點知幾年嚟咩都冇做過。
