掃呢頁CODE去手機

2015年4月27日 星期一

黎明寸家輝拍愛情片笑死人 家輝,黎明,張家輝,



「金句王」黎明昨日現身活動時透露將到台灣拍戲,問到會否變身「肌男」,他說無爆肌需要,更寸爆曾為拍戲狂操肌的張家輝:「叫張家輝拍《甜蜜蜜》,笑死人!」遭拖落水的家輝回應:「我相信佢冇惡意嘅!」

Leon昨日出席活動時連環爆金句,大講減肥及操肌話題。

戴上黑超的Leon大受歡迎,成為集郵對象。

天王黎明(Leon)昨日以大使身份弗爆出席沙田馬場的《愛彼女皇盃》,身形明顯比兩星期前清減,足證其自創減肥餐單功效顯著。當晚會到台灣拍戲的Leon直言不會有爆肌演出,因為自己非飾演拳手,更抵死寸爆為拍戲操出「朱古力肌」的張家輝,Leon說:「首先要諗吓會唔會畀人笑,要量力而為,我又唔係要學到張家輝咁,掉番轉叫張家輝拍《甜蜜蜜》,笑死人。」

其後他再「金句王」上身補多刀:「叫張家輝做《拳霸》都會畀人笑,轉體三周半踢爆交通燈,做出都畀人笑。如果劇本唔會令我畀人笑我就會接,如果連自己睇完都會笑就唔會接。」躺着也中槍的張家輝透過電話回應:「我相信佢冇惡意嘅!」

怕死停食減肥餐單

提到有否Keep住食減肥餐單時,素來有「金句王」之稱的Leon說:「要停喇!仲得了?黐線咩!呢一星期後會習慣,食健康餐單,早上可以食麵,晚上就唔食澱粉質。」

對於甚少人跟到他的餐單減肥,Leon連環爆金句:「通常係冇自信人先做唔到,人係咁得意,上帝製造人類,製造機會,如果個個都跟我呢招,咪冇人發明新方式,冇新發明。自信過龍就會減到死。」更教大家要先減肥後運動,否則會變成「阿諾舒華辛力加」般的筋肉人:「一係由Day 1開始日日跑30km,一係就先瘦再做運動,唔係就會變阿諾舒華辛力加。」

「中轉站」比喻公司

談及公司接二連三有藝人不續約,Leon拋出「中轉站比喻」大耍太極:「我係中轉站式經理人公司,培養新人,經過溫室照顧,成長到適當能力可以出去發展,公司會100%放手。因為我唔係超級大公司,冇幾千萬同人續約,我係藝人,唔會榨乾個藝人,當佢出面得到價值可以提高係好事。」

其後又疑暗寸衞蘭及JW等藝人有毛有翼即離巢發展:「新Artist到我中轉站,由開始到有毛有翼自由飛走。如果有3億簽個藝人,都唔會咁做,3億可以做好多。(3億簽你自己?)有時間都畀自己適當發揮,公司會有新人出現,不過唔會做同一個品種,觀眾睇到悶。」

Leon稱喜歡欣賞賽馬,惟工作忙碌未能抽空,並稱退休後會做馬主兼策騎。問到是否拍戲關係愛上策騎,他似是而非地說:「拍戲策騎同自己策騎唔同,拍戲有心理壓力,驚跌親唔能夠完成工作。」Leon果然字字珠璣,想參透金句認真要嗒多幾次細味!

Leon昨日出席活動時連環爆金句,大講減肥及操肌話題。

戴上黑超的Leon大受歡迎,成為集郵對象。

鍾意就快D Share啦!