《全力扣殺》邵音音謝票爆粗 陶傑話好睇過《狂舞派》
2015-05-03 22:00:00
(攝影：仇志德)
今晚電影《全力扣殺》嘅一班演員鄭伊健、何超儀、鄭中基等等，去到旺角一間劇院謝票，陶傑睇完之後，大讚好睇過《狂舞派》，佢話：「小品拍到大片，場場有骨，句句有肉，同《狂舞派》先後輝映。」
有份參演嘅邵音音喺現場爆粗，同觀眾互動，伊健講笑話：「大家有感而發，開心得濟，不過戲中無乜粗口，只係有啲助語詞。」
問到對票房嘅期望，何超儀就話﹕「有幾多去幾多，今日都買唔到飛呀。」伊健已計劃票房理想會去大排檔慶功﹕「剩係怕超儀怕熱啫。」超儀笑言﹕「到時唔好着咁多衫囉。」伊健爆啱啱復出拍戲嘅林敏驄攞咗好多免費飛，自己要包場請老婆蒙嘉慧同親友睇，問到伊健套戲會唔會勾起同老婆嘅羽毛球情緣，伊健話﹕「都冇關係，我識佢在先。」
《全力扣殺》嘅一班演員去到旺角一間劇院謝票。
邵音音喺現場爆粗。
何超儀指今日都買唔到飛。
鄭中基
林敏驄
伊健已計劃票房理想會去大排檔慶功。
|
鍾意就快D Share啦！
|
|
|
