2015年5月18日 星期一

半百周海媚素顏出巡 少返香港唔識路 周海媚,





其他影片:>>






年屆49歲、近十年已經全力喺內地搵人仔嘅周海媚,為咗黐住個細佢七年嘅男朋友,直情長駐喺北京。可能少返香港啦,近排佢嚟香港宣傳《武則天》,揸車竟然唔識路。

上個星期五,海味素顏單拖揸住架寶馬出巡,入滿油之後就去咗跑馬地,點知佢一落車見到記者,竟然即刻走埋去,原來佢係想問銀行喺邊度。記者話咗俾佢知之後,周海媚就一支箭行咗過去,冇幾耐又走返埋架車度。正當佢想上車之際,突然停一停,閂番度車門,走咗過隔離架車,吓?唔通佢識個司機?原來佢又係問路!睇嚟海味真係太少返香港喇。

雖然海味都差不多50歲,但佢真係好似唔識老咁,加上個人冇乜架子,去到邊都好受歡迎。嗰日佢去寵物店又同個老闆鬼咁好傾,行行吓又俾啲途人足住集郵,生得靚真係唔同啲。

鍾意就快D Share啦!
Related Posts Plugin for WordPress, Blogger...