掃呢頁CODE去手機

2015年5月24日 星期日

娛圈爛滾友多 徐少強 成龍滾到仔女都唔要 娛樂,徐少強,成龍,





其他影片:>>






人不風流枉少年,講起爛滾,娛樂圈都有好多男人滾到拋妻棄子㗎!喺七、八十年代成日做大俠嘅徐少強,當年拍《養鬼》時,就撻着咗17歲嘅雪梨,點知雪梨知道佢有家室後,自己都有咗囝囝徐偉棟,雪梨跟咗徐少強七年,以為終歸會坐正,點知風流嘅徐少強仲有N個女朋友,十年前仲娶咗個廿五歲嘅O靚妹㖭。

不過講起風流,點可以唔提成龍呢,98年,吳綺莉戀上成龍,當時兩人愛得痴纏,翌年吳綺莉仲懷有龍種,臨生前,吳綺莉喺鄭裕玲個節目上,爆出經手人係成龍,之後成龍向記者說:「做咗天下男人都會錯嘅事」,如今吳卓林已經15歲,多年來成龍對女兒都係不聞不問。

莫少聰同洪欣都好經典,97年傳洪欣介入莫少聰同多年女友嘅感情,00年洪欣為佢未婚生仔(莫鎬廉),可惜一直以來莫少聰都冇認過個仔,洪欣同張丹峰結婚後,囝囝亦改名為張浩鋒。

96年竇唯同王菲結婚,翌年誕下女兒竇靖童,點知兩年後竟然搭上攝影師高原,搞到99年王菲同佢離婚,自此竇靖童就隨母生活。

鍾意就快D Share啦!