2015年5月18日 星期一

星粉祝福 賀巨星「登六」:我愛發哥 發哥,周潤發,

周潤發

星粉祝福 賀巨星「登六」:我愛發哥

今日5月18日是一個特別日子,大家請說一句:「Happy Birthday!」因為60年前的今日,一個屬於我們香港的巨星誕生-周潤發,在發哥60歲大壽的日子,《東網巨星》特別邀來25位80、90後的歌影視偶像,包括容祖兒、謝安琪、蔡卓妍、鍾欣潼、佘詩曼、吳若希、陳嘉桓、周秀娜、周柏豪、薛凱琪、任賢齊、張繼聰、黃翠如等齊聲高呼:「我愛發哥!」他們又逐一細說愛發哥的理由。

《東網巨星》亦在今天啟播特備節目《我愛發哥》,緊接的個多月,逢星期一至五,我們的巨星周潤發會破天荒現身,接受25位紅星的發問,發哥的回應更盡顯其風趣幽默作風,令人會心微笑。

眾星更會在節目中,在發哥「登六」的特別時刻向他致敬,也會回顧發哥從影40年來嘅趣事、成就、獎項等軼事,絕對不容錯過,亦肯定是城中話題所在。只要你有《東網巨星》App睇實《東網》,緊接的個多月,發哥就會日日陪住你。

  • 放大圖片
容祖兒
  • 容祖兒
蔡卓妍
  • 蔡卓妍

容祖兒

「我愛發哥,我愛發哥……夠靚仔,鍾意發哥心地好,又親切,有求必應!」

鄧麗欣
  • 鄧麗欣
Janice Man
  • Janice Man
張繼聰
  • 張繼聰

蔡卓妍

「我愛發哥,鍾意發哥嘅幽默感,好鍾意睇佢做訪問,全部都好好笑,佢嘅演技我亦非常鍾意,真係做乜似乜!」

鍾欣潼
  • 鍾欣潼
陳嘉桓
  • 陳嘉桓
黃心穎
  • 黃心穎

鄧麗欣

「我愛發哥,因為佢對老婆專一,咁多年都冇咩緋聞!佢又好有毅力,無論事業上、人生、生活上都係。」

黃美棋
  • 黃美棋
岑麗香
  • 岑麗香
佘詩曼
  • 佘詩曼

Janice Man

「我愛發哥,好鍾意發哥親民,唔理會其他人目光,好有自己獨特個性,好值得我哋後輩學習。」

薛凱琪
  • 薛凱琪
張敬軒
  • 張敬軒
周柏豪
  • 周柏豪

張繼聰

「我愛發哥,問過好多老前輩,打探發哥當年拍劇嘅往事,得到嘅係一致讚美,佢可以令拍攝氣氛好開心,每個人喺冇壓力下發揮,果然係一級演員。另外佢喺《秋天的童話》演船頭尺有句對白係我座右銘,就係『自己Happy咪得,使乜理人?』」

鄭俊弘
  • 鄭俊弘
李思捷
  • 李思捷
黃翠如
  • 黃翠如

鍾欣潼

「我愛發哥,有次我搭的士準備落車時,等的士嘅咁啱就係發哥,佢幫我開車門,好禮貌又對住我笑。我又鍾意睇佢嘅戲,所以好鍾意發哥!」

Heidi
  • Heidi
張兆輝
  • 張兆輝
吳若希
  • 吳若希

陳嘉桓

「我愛發哥,發哥你好!我都好想見到你,好想同你瘋狂自拍呀!我細細個就睇你嘅戲,我好鍾意《秋天的童話》你個角色o架!」

鍾嘉欣
  • 鍾嘉欣
周秀娜
  • 周秀娜
許廷鏗
  • 許廷鏗
任賢齊
  • 任賢齊

黃心穎

「我愛發哥,好欣賞發哥好錫老婆,佢係Super Star,但依然好親民,對我哋後輩係好榜樣。」

黃美棋

「我愛發哥,發哥咁得人鍾意因為佢親民,我細個開始拍戲儲咗好多相,就係差發哥未儲到!」

岑麗香

「我愛發哥,發哥我鍾意你成日搭港鐵,又去街市買餸,呢啲係真人會做嘅嘢!」

佘詩曼

「我愛發哥,發哥演咩角色都入型入格,好細緻嘅位都做得好好!真係好難!我覺得發哥好勁!」

薛凱琪

「我愛發哥,發哥演文藝片又得,演笑片都得!笑片難拿捏好多,佢係好出色嘅演員,同埋好Nice,好親民!」

張敬軒

「我愛發哥,我鍾意發哥嘅瀟灑、霸氣、生活中嘅親和力,私底下同發哥相處最鍾意佢嘅智慧,亦好博學。」

周柏豪

「我愛發哥,鍾意發哥,首先因為同姓三分親!由細到大都睇佢嘅電影,感覺親切!」

鄭俊弘

「我愛發哥,記得有次喺銅鑼灣食飯撞到發哥,我O住嘴望佢,但佢笑容親切,仲指住我好似識我咁打招呼,令我個心好甜!」

李思捷

「我愛發哥,最鍾意發哥演喜劇嘅Timing,好準!佢好睇之處係靚仔,演追女仔戲特別好睇,加埋佢演喜劇嘅方法,成件事好自然!」

黃翠如

「我愛發哥,最鍾意發哥,任何造型都鍾意,就算隨便喺屋企行出嚟都咁型仔!」

Heidi@SuperGirls

「我愛發哥,我鍾意發哥和藹可親,有次行街撞到佢,我望住佢,佢笑住望番我,見到途人搵佢影相都一一應承!」

張兆輝

「我愛發哥,發哥曾經教我影相,教我點捕捉景物,仲會講出我嘅優點同缺點。」

吳若希

「我愛發哥,我鍾意發哥冇乜架子,見咩人都會自拍,我都想試吓野生捕獲佢!」

鍾嘉欣

「我愛發哥,睇過發哥訪問,當中話過佢會將所有遺產送畀慈善機構,好佩服你!」

周秀娜

「我愛發哥,我愛發哥型英帥靚正!我鍾意發哥會去買餸,好親民,同埋會搭港鐵!」

許廷鏗

「我愛發哥,好欣賞發哥親民,冇架子,佢身為天王巨星,都可以咁親民,好難得!」

任賢齊

「我愛發哥,發哥係我偶像,佢演嘅好多角色我都好鍾意,個人又Nice!」

文:陳偉立

攝:攝影組

鍾意就快D Share啦!
Related Posts Plugin for WordPress, Blogger...