掃呢頁CODE去手機

2016年9月1日 星期四

實則細廿年  51歲羅霖鮮肉未婚夫起底 強國富二代王嶠 [壹週刊 - 1382] __,富二代,強國,中國,羅霖,M1,

娛頭實則細廿年 51歲羅霖鮮肉未婚夫起底 強國富二代王嶠八月踏入51歲的羅霖,數月前自爆有個後生十年的富二代男友J君,原來男方已多次求婚,但離婚三年孭住照顧三個兒子責任的羅霖,卻遲遲未有應承,但近日,她又改口,暗示隨時閃婚。據了解,羅霖男友名叫王嶠,年紀細她接近廿年,12年羅霖跟前夫劉坤銘婚姻出現問題期間,二人在北京搭上並迅即打得火熱,但直至最近,熟透的羅霖才被男友父親接受。四年前搭上一二年宣布離 ...


娛頭

實則細廿年  51歲羅霖鮮肉未婚夫起底 強國富二代王嶠

八月踏入 51歲的羅霖,數月前自爆有個後生十年的富二代男友 J君,原來男方已多次求婚,但離婚三年孭住照顧三個兒子責任的羅霖,卻遲遲未有應承,但近日,她又改口,暗示隨時閃婚。

據了解,羅霖男友名叫王嶠,年紀細她接近廿年, 12年羅霖跟前夫劉坤銘婚姻出現問題期間,二人在北京搭上並迅即打得火熱,但直至最近,熟透的羅霖才被男友父親接受。

四年前搭上

一二年宣布離婚後,身形樣貌幾乎冰鮮的羅霖愈戰愈勇,今年六月,她自爆有個細自己十年的富貴男友,對方更自薦出鏡,跟羅霖到法國,為女友代理的紅白酒拍婚紗宣傳照,不過,成輯相 J君最多只有大側面。

事業行先,但羅霖身邊一直不乏異性,而這個被她形容是裙下之臣中,唯一一個「鬧極唔走」的男友叫王嶠,二人已相識四年,打從開始,王嶠對經常飛內地的羅霖不單管接管送,更次次做老細,請食飯爭埋單,出手闊綽。

「好多年前, Candy跟劉坤銘搬咗去上海住過一段時間,當時 Roger生意唔掂,佢就開始出返嚟做嘢搞模特兒公司,因為咁識咗唔少想入行想出名嘅富二代,朋友圈子更愈來愈 young,至於王嶠,亦係朋友介紹識嘅。」知情者說。

12年北京

黑絲羅霖孖王嶠夜蒲。

12年 10月,羅霖一個人飛北京會王嶠,夜蒲完,著住黑絲短牛仔褲的羅霖,主動搭住女友外,又繑實王嶠。

食消夜時,羅霖托腮甜笑,好少女 feel!

本刊問羅霖男朋友係咪叫 Tony,她說叫 Joe。英文名可以改,在被他早已刪走的微博頭像,王嶠的確曾經叫 Tony。

著 tee的王嶠,望落去似剛廿歲出頭。

婚紗照玩神秘

為紅酒品牌拍婚紗宣傳照,羅霖刻意只讓男友側面曝光。

16年法國

二人在法國拍的婚紗照,王嶠真嘴,羅霖亦相當受落。

再做闊太

跟富二代王嶠感情穩定,本來最愛 Chanel的羅霖,日前被發現升呢在 Hermes掃貨,由菲傭攞住用大黑袋載着的 Hermes戰利品走人。

迷戀女神

羅霖在內地沒有知名度,但挾九一年亞姐冠軍銜頭,對做生意或者識朋友都有一定幫助,因為內地人的觀念,「亞洲小姐」就是代表香港,得獎的更加巴閉,所以,當時只得廿幾歲的王嶠,完全將四十有七的羅霖視為女神,火速展開攻勢。

「其實王嶠過往的女朋友年紀都大過佢好多,所以同 Candy好啱 key,其實佢哋唔只相差十年,應該係一個 double,有成廿年; Candy唔想俾人知佢大過男仔咁多,所以報細咗。不過最重要係王嶠唔介意,佢對 Candy,絕對可以用迷戀嚟形容,兩個識咗之後,就定期見面。」

去年出噴血寫真,身形狀態弗爆,原來是有愛情滋潤。

拍拖不忘努力搵銀,今年初在網站出售自家品牌的內褲、攬枕等貼身用品。

羅霖不時返內地出席活動,跟另一美魔女劉嘉玲同場。

扮後生

一二年十月,本刊也曾目擊宣布已經同劉坤銘分居的羅霖,人肉速遞到北京瘟仔,為拉近年齡差距,向來打扮成熟的她短褲黑絲扮後生,跟當時一身名牌打扮的王嶠食完飯,直落北京工人體育館旁的 MGM夜店繼續蒲,之後二人再到二環一家川菜館食烤魚消夜,飲飽食醉到凌晨五點,才雙雙返酒店。

「王嶠係富二代,喺英國讀過書,未婚;屋企人做建築生意,佢老豆亦好就佢,只要個仔鍾意,就算身邊啲女朋友大一截,都唔會反對或者干涉, Candy都見過男友屋企人。過去幾年, Candy幾乎每個月起碼會返內地一次見男友;後生又有錢,仲要對自己死心塌地,去邊度搵呀?所以大家都覺得佢今次勁過中六合彩,尤其係個男仔仲要好聽話, Candy唔鍾意嘅嘢,佢一定唔會做。」知情者說。

有富二代男友錫住,就算每年孭住八十萬學費,供兩個兒子去美國讀書,羅霖依然可以做名牌常客。早前,本刊便見她帶住細仔及外傭姐姐,到中環 Hermes入貨;獲特別招待的她,連掃幾袋。

young look羅霖

六月,同細仔在中環行街,羅霖著短裙、波鞋。

二仔去美國升讀大學前,羅霖帶屋企人到日本旅行, cap帽牛仔褲打扮,一反她過往成熟形象。

有個年紀細一大截的男友,羅霖打扮愈來愈 young,早前頭髮染啡,紮小辮出席二仔的中學畢業禮。

讚王父開通

對於跟男友 J君一二年已經搭上,羅霖回應含糊。

「啊,係咁,我暫時唔會公開佢(男友)嘅資料。(你哋唔只相差十年?)之前講咗十幾年,我唔介意姊弟戀。(已經見過家長?)我見過佢爸爸,佢爸爸 OK開通。」羅霖說。

亞視出身的羅霖人緣好,就連大台的遊戲節目也邀請她做嘉賓。

羅霖指前夫未有負責兒子學費,她每年起碼要搵八十萬交學費。

愈嫁愈富貴

咪以為離過婚又生育過的女人冇選擇,世事其實充滿驚喜!好似有兩子的陳伶俐及兩女的陳少霞, 40歲前搵到第二春,更愈嫁愈富貴。

陳伶俐

現年 39歲,選過港姐的陳伶俐,跟大她十年的音樂人林敏驄育有兩子, 08年二人離婚後,她開公關公司獨力照顧兒子, 12年改嫁新加坡隱形富豪胡嘉烈後人劉頌銘,深得奶奶愛錫的她,經常被拍到陪老人家出入飲下午茶, 14年為劉家生埋茨姑椗後,陳伶俐翌年投資千萬在銅鑼灣開畫廊,成為標準闊太。

陳少霞

93年入行,甫出道已經有機會跟梁朝偉、劉華等影帝合作, 00年離開大台引退,嫁到澳洲並誕下兩女, 08年離婚,為生活重返幕前。 11年,陳少霞甲狀腺出現問題,大女亦患有糖尿病,加上前夫離逝,生活變得十分艱苦,直至在教會認識了大把錢的法拉利之父李文輝,陳少霞從此富貴,今年七月, 39歲的她更正式成為李太。

撰文、攝影、攝錄:娛樂組


鍾意就快D Share啦!