2015年8月17日 星期一

梁政珏陀B好轉出得院 老公租定輪椅出入



【短片】【隻手打針打瘀晒】梁政珏陀B好轉出得院 老公租定輪椅出入

2015-08-17 02:08:00



其他影片:>>






【隻手打針打瘀晒】梁政珏陀B好轉出得院 老公租定輪椅出入

梁政珏今年1月秘嫁生意人何思源(John),然後好快造人成功兼仲一索得男陀B仔,11月就係預產期。不過,因為遺傳咗媽咪子宮後屈,而且有胎盤前置同埋胎盤位置過低問題,梁政珏陀B以來特別小心,點知今個月8號喺屋企食食吓早餐突然出血,嚇到老公拿拿聲將佢送入醫院,仲一住就住足一個星期,直到噚日醫生終於批准佢出院喇!

梁政珏今日一早就喺instagram貼相,一張係佢化晒粧,精神奕奕等出院嘅相,另一張就係因為打針搞到成手瘀血嘅相,頭先佢接受《蘋果》訪問時話:「我應承咗醫生會好好休息,但醫生話我其實可以落地行,但一定唔可以操勞,老公就租定咗輪椅畀我,如果想去超級市場買吓嘢都可以坐,佢哋都驚我困得耐會悶,情緒都唔好。」

住咗一個禮拜醫院,梁政珏話好多謝醫生同護士嘅照顧,但係佢就有啲感概咁話:「醫管局真係應該監管香港私營醫院嘅設備,例如嬰兒深切治療部NICU, 香港公立醫院NICU使用率已達160%,私營醫院本來係有舒緩政府醫院作用,但醫管局冇要求私營醫院幫手不特止,而且將95%要執手尾嘅嬰兒送去公立醫院。」



住咗一個禮拜,出得院梗開心。(梁政珏Instagram)



要好好休息。(梁政珏Instagram)



隻手打針打我疼晒!(梁政珏Instagram)



之前仲要喺醫院慶祝老公生日。(資料圖片)

鍾意就快D Share啦!
Related Posts Plugin for WordPress, Blogger...