2015年8月8日 星期六

Marvel異類殺入影壇 新春激戰開年





其他影片:>>






Marvel漫畫嘅超級英雄,淨係今個暑假已經有《復仇者聯盟2》、《蟻俠》同《神奇四俠》先後登場,仲未計拍緊嘅《銀活守護隊2》、《美國隊長3》、仲有等緊開拍嘅《黑豹》、《復仇者聯盟3》等電影,總之排到2020都有戲上畫,原因得一個,搵食啫!

出年2月,Marvel中最離譜嘅角色死侍將會登場,你睇佢肢體語言都知唔係一般漫畫英雄人物。

呢個反英雄角色,粗口橫飛、又煙又酒、血腥暴力,仲要係整個Marvel咁多角色當中,唯一一個知道自己活喺漫畫世界嘅人。

佢嘅身世坎坷之餘,癌細胞令佢處於垂死邊緣,可以同女死神溝通,仲愛上埋人哋,可惜佢身體俾人做實驗做到有不死身,唔能夠同女死神雙宿雙棲。

聽戲橋都知係黑色幽默為主,同以往嘅英雄電影好唔同,但市場接唔接受就要出年先知。
鍾意就快D Share啦!
Related Posts Plugin for WordPress, Blogger...