2015年8月8日 星期六

索爆女做Model 林俊賢怕3分鐘熱度 林俊賢,





其他影片:>>






「我唔係好鐘意,但我其實一半一半啦。」星爸星媽甚少反對仔女入行,林俊賢都算少有。

林俊賢同中英混血兒結過婚,個女1歲幾,老婆就離婚兼帶女走人。直到6年前,女兒林鈺洧14歲,林俊賢先靠facebook同佢相認,「大家關係就好似普通父女一樣,有時會聽我意見,有時大家唔理大家,好普通嘅關係」。

阿女現年20歲,由保險轉投模特兒界,佢身懷43吋長腿,的確係攻擊性武器。林俊賢即使擔心,又阻止得幾多?佢話:「我唔覺得娛圈有咩問題,亦唔係話反對,支持度一半半,我唔想她3分鐘熱度,我要佢選對方向,唔希望她有虛浮嘅目標,例如想做明星就好虛浮。她年紀細,驚佢唔識轉化壓力,現時觀察中,都仲Ok。」

既然阻止唔嚟,林俊賢咁擔心,不如幫佢一把?經歷甚多嘅林俊賢就話:「如果佢好用力地舉起鐵餅,我會幫,但如果她只係一味嗌辛苦,咁我唔會幫。佢鐘意嘅話就會自識行,一個人一個動作,10個鐘就10個鐘,係咪?」
鍾意就快D Share啦!
Related Posts Plugin for WordPress, Blogger...