掃呢頁CODE去手機

2015年9月30日 星期三

16間公司執剩 7間 臨盆官恩娜老竇 大字報貼滿油尖旺 [FACE - 436] 官恩娜,MF,



官恩娜佗住 B仔 7個幾月,身材依然 fit到漏,肥肚唔肥身!

封面

16間公司執剩 7間 臨盆官恩娜老竇 大字報貼滿油尖旺

官恩娜今年 2月與醫生男友 Juan-Domingo Maurelle結婚,蜜月時一擊即中,現時陀 B接近 8個月,好快生得到!

幸福靚媽有老公養,日日上社交網晒巨肚,又緊貼潮流玩「 17」直播 app同粉絲互動。不過 Ella都唔係冇煩惱。日前官恩娜老竇官有權被貼街招,指他是老 X集團主腦。更張貼官父與 Ella合照,大字報貼滿油尖旺當眼處,非常惹人注目。

本刊發現主力從事珠寶生意的官有權,近年不時疑似被追債,更曾遭申請破產,其中以 Ella命名「恩娜珠寶」亦已於 12年結業。老竇惹麻煩,好在 Ella仲有老公照顧,冇有怕!

官恩娜與混血老公 Juan今年 2月結婚,婚後好快已經造人成功。 網上圖片

36歲官恩娜現時佗 B仔近 8個月,除咗個巨肚,其餘身材全無走樣,早前大晒三點式依然索爆,靚媽除了不時同老公 sweet合照,又定期自拍巨肚向粉絲報平安,幸福少奶奶生活恨死唔少港女。

曾遭申請破產

不過本刊近日於油尖旺發現官恩娜父親官有權被貼街招大字報,內容指他是老×集團主腦,街招上更有官父與 Ella合照,直接公開他的星爸身份。

有「珍珠大王」之稱的官有權,是大溪地最早期做珍珠生意的商人,有傳他更擁有鑽石礦,家底豐厚。不過本刊發現原擁有 16間公司的官有權,現時只執剩 7間,連以 Ella命名及代言的「恩娜珠寶」,亦於 12年結業。公司愈來愈少,官有權亦多次被傳追數,包括 97年有同名同姓人士欠稅 8萬 5,以及 10年疑似被追 26萬多合約費用, 96年更曾被一名周姓人士申請破產。

28/9

週一( 28日), Ella同老公外出,對於老竇被貼大字報一事冇回應。

連累愛女

旺角同尖沙咀隨處可見官有權的大字報,不過冇証據真實性成疑。

Ella同父親(中)、細妹(右)感情極好;而細妹官恩沂更早於 12年嫁為人妻。

仔女繼續富貴

其實官有權並非首次惹是非, 10年前以「恩娜控股有限公司」同合夥人買地皮未成交,因對方失蹤而鬧上法庭,現時案件仍未解決,押後至明年 1月 12日再審。

疑似追數

官有權 96年被申請破產(上), 10年亦疑似有同名同姓人士被追數 26萬 8千(下)。

官有權的 16間公司執淨 7間,當中以愛女官恩娜命名的「恩娜珠寶」亦做唔掂。

官有權多番牽涉官非及錢債糾紛,但並未影響官家生活。前年官恩娜妹妹官恩沂投資過億於紅磡開設珠寶店,當時官父親自現身撐場,支持愛女創業;官恩娜哥哥官仲銘早年曾做 model及大台藝員,撈極唔起卻能經常旅遊同揸名車。而官恩娜今年結婚時,表示父親準備了千萬嫁妝賀女出嫁,「爸爸送咗三套鑽石、兩套珍珠同六對龍鳳鈪,畀我揀到啱為止,呢份係爸爸心意,結婚未必會戴晒,但係收咗好開心!」

幸福少奶歎住先

老公錫到燶, Ella月前大住肚去旅行,仲公開三點式靚相,仍然係索。 網上圖片

專心養胎的 Ella甚少出席活動,對上一次公開露面已是 6月的事。

猛料老公夠照

父親有煩事,幸好現年 33歲的中法混血兒老公 Juan來頭唔少,夠撐起頭家,為令老婆同囝囝生活更舒適, Juan早前以月租 10萬租住加多利山豪宅俾老婆安胎,最近又秘密搬到東半山肇輝臺。 Juan父親經營高級時裝生意,哥哥是大律師,家族在法國南部擁有過萬呎大宅,連富二代官恩娜去過都話正。

生活無憂又有美滿家庭,官恩娜有心情試玩潮 app「 17」,弊在直播途中遇上變態佬,當眾問可唔可以睇佢乳頭!早前玩 fb live chat亦擺烏龍,唔識㩒掣搞到以為冇人發問。傻大姐有老公錫,週一( 28日)跟丈夫去中環外國記者協會午膳時,對於阿爸被貼大字報一事,她只說:「對唔住呀,我唔係好清楚,所以我唔回應」繼續做幸福少奶!

Ella今年出嫁時由父親陪到實,絕對係官有權的掌上明珠。 網上圖片

大住肚冇嘢做, Ella近期愛上玩 fb live chat(左)同潮 app「 17」(右)。 網上圖片

惹「官」非

官有權被貼大字報,大仔官仲銘亦試過是非纏身。 12年在微博貼了一張「全狗宴」相,被網友鬧爆佢食狗肉,連累愛狗之人 Ella被插,官仲銘事後解釋自己唔食狗補鑊。

官仲銘同 Ella感情好好。 網上圖片

官仲銘(圓圈)曾做過 model,與唐詩詠(下左一)及徐子淇(下右一)同屬 Elite旗下。

12年貼上一張「全狗宴」相片,連累 Ella被圍插。 網上圖片

父債女還

官恩娜父親官有權疑似被貼大字報,其實唔少圈中女星亦曾因家人欠債或破產而受連累,避都避唔到!

容祖兒

父親容錦輝欠債被貼街招,事後祖兒透過經理人暗示會與父親割席,拒絕幫老竇孭數!

網上圖片

《蘋果日報》圖片

《蘋果日報》圖片

薛凱琪

父親薛偉豐被揭於 93至 04年間,先後 7次遭入稟追債,而薛母的補習社生意亦已結束,一家靠薛凱琪搵錢養。

張栢芝

父親張仁勇(鬍鬚勇)被人在中環、灣仔貼大字報,指他在內地番禺行騙,騙去債主 200萬後「玩失蹤」!

《蘋果日報》圖片

圖片

圖片

吳雨霏

從事製衣業的吳雨霏父親, 97年投資失利破產,一家人要大屋搬細屋,直到破產期完結才東山再起,搬回比華利山。

李施嬅

父親原本經營計算機生意,可惜 04年破產欠下 1億巨債,自少住大屋坐林寶的李施嬅(原名李詩韻)從此要靠自己。

採訪、撰文:娛樂組

攝影:娛樂突發組

鍾意就快D Share啦!