熱爆娛樂: FFx都爆得出！其實咩女團先係真經典？ [FACE

2015年9月30日星期三

FFx都爆得出！其實咩女團先係真經典？ [FACE - 436] FFx,MF,

全知言

FFx都爆得出！其實咩女團先係真經典？

FFx隻洗腦歌〈 Sugar Baby〉喺 YouTube loop到難聽變順耳，不過上到位但又俾好多音樂人插爆製作唔認真，香港樂壇質素原來低到咁！其實古今中外都有唔少女團曾經風光過，論製作欣賞指數唱歌跳舞， FFx都真係小學雞都不如呀！

謝安琪

路透社圖片

最想復合嘅女子團體係 Spice Girls！原因係我好鍾意碧咸，如果 Victoria多啲出嚟活動，佢一家人又溫馨又恩愛，咁碧咸又會出多啲嚟到時好多人會好開心㗎，一定要復合！

王宗堯

我最想「開心少女組」復出！佢哋真係好青春，同埋係我細細個睇嘅青春偶像。難得佢哋仲齊人，𠵱家又興復古，所以都好期待佢哋一齊復出！

圖片

蔡一智

我最想 ABBA復合！因為細細個已經聽好多 ABBA嘅作品，聽聞佢哋原本係兩對夫妻，後來唔知點樣又散晒，希望佢哋再一次結婚

網上圖片

廖碧兒

我最想復合嘅組合係 Spice Girls！我鍾意佢哋啲音樂，又識跳舞，而且每一個成員都有自己嘅性格，有 sporty、 sexy、 happy同 scary，我最鍾意 sporty(Mel C.)，佢又打得又夠 strong，嗰時比較少呢類咁型格嘅女仔！

路透社圖片

欣宜

我梗係揀 Destiny’ s Child細個聽得最多同埋成長時最受影響就係 Destiny’ s Child，好多歌都好鍾意，例如〈 Jumpin', Jumpin〉、〈 Say My Name〉、〈 Bills Bills Bills〉啦，同埋佢哋有隻 gospel medley，好正！最近上網睇到新聞話佢哋有可能復合，真係好期待！