2013年港姐冠軍陳凱琳家底有米、個樣又算係唔錯，一卸任港姐，就成為大台升上一、二線做當家小花，不過，一向形象乖巧有禮嘅陳凱琳，原來喺大台都有唔少狂蜂浪蝶，雖然已經認咗同46歲嘅鄭嘉穎拍拖，早前拍《張保仔》仍然好惹緋聞。
今日更有周刊指，原來24歲嘅陳凱琳未同鄭嘉穎一齊前，就同《張保仔》演貝勒爺嘅陳展鵬拍過三個月拖，據知，多得陳展鵬教陳凱琳做戲，先令陳凱琳喺《張保仔》劇中演技順眼咗，盛傳當時陳展鵬對陳凱琳好嗒糖，而陳凱琳一直都鍾意成熟型嘅男人，就算陳展鵬成38歲，大家年齡差14年都唔係問題。
周刊又指，陳展鵬當時把握機會教做戲，埋陳凱琳身，二人秘密交往三個月，盛傳鄭嘉穎知道陳凱琳同陳展鵬曾經一齊，嘉穎都有啲嬲，因為外界一直以為佢係陳凱琳入咗娛樂圈嘅第一位男朋友，點知原來陳展鵬先係。
報道又爆陳凱琳同陳展鵬三個月嘅戀情告吹，據知係女方嫌棄陳展鵬學歷低，只得中五學歷，而狠飛男方，有指二人反面收場，連宣傳都唔肯交戲，陳凱琳惟有搵同劇嘅洪永城做「水泡」，又傅嘉莉做擋箭牌，陪自己出外宣傳劇集，陳凱琳順便同前度陳展鵬保持距離，總之就唔想太多接觸。
據知，陳凱琳有次去電台宣傳，陳展鵬唔在場，陳凱琳就成隻開籠雀咁，同洪永城雞啄唔斷，周刊又以鄭嘉穎同陳展鵬比較，論個樣嚟睇，鄭嘉穎同陳展鵬都算保養得幾好，不過，講學歷呢，鄭嘉穎就去過外國讀書，又係大學畢業生，同大學畢業嘅陳凱琳，又似乎啱傾啲嘅，應該係!
不過，周刊爆陳凱琳同陳展鵬之所以分手，係因係陳展鵬份人比較躁底，同陳凱琳拍拖嗰三個月，兩個嗌交多過食飯，加上盛傳陳凱琳阿媽唔鍾意陳展鵬，搞到陳凱琳同對方拍《張保仔》時為呢件事好心煩。
|
鍾意就快D Share啦！
|
|
|
