掃呢頁CODE去手機

2015年9月30日 星期三

新上場 極秘 ig揭關係 已婚超模坐 Edison大髀 [FACE - 436] Edison,陳冠希,MF,



人妻秦舒培

相識數月,去勻日本同美國,秦舒培終於在 EDC朋友圈中見光。

真面目

新上場 極秘 ig揭關係 已婚超模坐 Edison大髀

用「 You seem like fun」做開場白識女已經夠晒 fun,估你唔到陳冠希沒有最 fun只有更 fun,今次唔只俾佢識到女,仲要係超模、仲要係人妻超模添,你哋話,係唔係好 fun呢?

自從 14年 12月同台妹前度 Ann分手, 34歲 Edison食咗近兩年散餐終於有常餐食。《 FACE》發現 EDC絕密 ig帳戶、揭露 EDC絕密新相,新鮮熱辣日( 9月 27日) po出的坐大髀密照,女方就係強國著名超模秦舒培!雖然得 25歲,秦舒培原來三年前已經嫁俾模特兒公司老闆有錢大叔,難怪 Edison近排見到強國大叔咁好火!

搭膊頭、貼面就話係好朋友,去到拉斯維加斯朋友聚會坐埋大脾。 網上圖片

做陳冠希,除咗撩女食女同撇女,就係撩女食女同撇女。其實有新女登場又有幾出奇?又使乜要用極秘 ig又要放閃又想收收埋埋?咪就係 34歲人開始試新嘢,第一次同人妻交往囉!

伸脷舉中指

同旗下台籍店員加模特兒 Ann相戀兩年, 14年尾宣布分手,原因都係難抵 EDC花心。 網上圖片

官方 ig已經周圍撩火頭,本刊發現極秘陳冠希私人 ig仲坦白,話自己好餓,求用藝術、女人同食物餵飽喎!擁有 179個密友嘅 EDC私人 ig,近月開始頻頻出現新女親密照,帶埋食帶埋玩帶埋開 P仲放開懷抱伸埋脷又伸埋中指,坐埋大髀就知……

而兩人公開嘅 ig、 fb、微博,雙方都離行離列。據悉相中索女正是世界排名第 29位、強國新晉超模秦舒培,兩人數月前結識後極速密會,糖黐豆伴住遊日本、上海和 LA等地。雖則閃相只放喺私人 ig、僅供私下朋友欣賞,不過當對方係人妻,幾私密都係揚過頭!原來年方 25歲,身高 177(陳冠希高 1cm!),三年前秦舒培已經同所屬模特兒公司總經理趙磊結婚,雖然兩公婆最後一次公開合體已經係一年前,不過從來冇話過感情觸礁!老老實實, have fun嘅嘢,除咗陳冠希,其他人真係識條鐵咩!

私密 ig勁互動

網上圖片

EDC甜影二人依偎影子,秦舒培就嗱嗱聲按讚留言,甜到呢! 網上圖片

EDC私家 ig自我介紹極坦白。 網上圖片

結婚三年,秦舒培成年冇陪老公外遊,不過就傍住 EDC去東京參加模特兒會議培養感情。 網上圖片

係就係食得女多,不過 EDC出名次次都夠投入,同一齊伸脷秦舒培例牌都有忘形伸中指密照。 網上圖片

大踢爆

25歲秦舒培 19歲出道後極速上位, 11年簽約成為華誼兄弟時尚首位藝人,唔夠半年已經同模特兒公司總經理趙磊結婚,更加平步青雲,去年在四大時裝周行騷 60場、世界排名高達第 29位。不過當年成日晒恩愛嘅老公已經成年冇出現喺佢 ig,大叔輸俾 EDC?

簽約半年已經嫁俾模特兒公司管理層,當年秦、趙澳洲婚禮,大 S同汪小菲都有份去飲。 網上圖片

有花生友在趙磊 ig留言踢爆老婆與 EDC行得埋,不過就唔見趙磊有回覆。 網上圖片

兩公婆從未宣布情變,不過上一次出現喺對方 ig已經成年前。 網上圖片

雜食之王

08年前嘅 EDC有幾雜食?食過幾多好嘢?全港市民都一清二楚。 08年後因為艷照門退出娛樂圈,專心時裝生意後, EDC品味明顯急降,對外形、產地、知名度甚麼婚姻狀況都冇晒要求。

Cammi

最經典兼最低點,無可否認係 11年散餐謝芷蕙,唔知𠵱家 EDC見到新版 Cammi仲認唔認得出? 網上圖片

國產乳牛

演藝事業淨番網劇同夜店捽碟, EDC北上得多,亦都傳出同國產乳牛樊玲有一手。 網上圖片

金句撩女

鍾意現實世界亦唔放過網上世界, EDC上網撩女「 you seem like fun」已經係金句中嘅金句。 網上圖片

採訪、撰文:娛樂組

鍾意就快D Share啦!