2015年9月21日 星期一

阿Sa力撐前度William:絕對冇第三者 阿Sa,蔡卓妍,



蔡卓妍(阿Sa)同陳偉霆(William)驚爆分手,阿Sa噚日喺蘇州出席完活動後,漏夜坐飛機到深圳再返香港,出席今日《星光熠熠耀保良》綵排活動。今午阿Sa喺助手護送下,到新蒲崗綵排。

新蒲崗現場有半百記者到場,阿Sa同阿嬌與十幾名dancer排舞,全程有啲憔悴,不過於訪問時佢否認自己憔悴,訪問中佢不斷強調跟William分手不涉第三者,亦力撐對方唔係紅咗反面唔認人。

訪問到阿Sa同William嘅Fans會攻擊對方,阿Sa表示大家都好唔想睇到,記者問佢咁樣分開會否好好可惜,阿Sa話:「絕對冇第三者,真係見得少,大家又忙,處理呢啲壓力都要時間,我同佢都冇咁嘅時間,分開可能舒服啲」

講到係咪因為William喺內地走紅係主因,阿Sa力撐前度:「佢唔係一個咁樣嘅人,我識佢咁多年,雖然大家唔係情侶,但大家仲係好好朋友,係識咗好多年嘅朋友,佢絕對唔係咁樣嘅人,呢樣嘢我好清楚。」

好可惜?阿Sa話:「等個天安排。」5年情喎,佢再話:「順其自然。」再問信唔信William最近嘅緋聞?係咪因為第三者出現?阿Sa話:「絕對冇,由始至終都冇,文字都講咗,唔好再去猜測,去關注工作以外嘅嘢,唔係咁好。」分手後有冇contact?阿Sa即封嘴:「呢啲嘢唔回應啦。」

阿Sa話William絕對冇第三者。
鍾意就快D Share啦!
Related Posts Plugin for WordPress, Blogger...