掃呢頁CODE去手機

2016年3月8日 星期二

麥明詩平反冇白撞! __,麥明詩,

麥明詩平反冇白撞!畢業於英國劍橋大學法律系的10A港姐冠軍麥明詩,日前為無綫特輯《星星探親團》返回母校取景,但昨日凌晨劍橋學生會網站爆出,她與攝製隊在舞會取景時,傳因事前未有申請兼有人「白撞」呃飲呃食,被工作人員驅趕離場!事件主角麥明詩卻道出另一版本,為自己及無綫平反。採:影視組文:專案組Louisa返母校拍攝,點知被屈係「白撞」,認真慘慘豬!搵到學院教授做訪問嘅Louisa強調事前有申請拍攝。應 ...


畢業於英國劍橋大學法律系的10A港姐冠軍麥明詩,日前為無綫特輯《星星探親團》返回母校取景,但昨日凌晨劍橋學生會網站爆出,她與攝製隊在舞會取景時,傳因事前未有申請兼有人「白撞」呃飲呃食,被工作人員驅趕離場!事件主角麥明詩卻道出另一版本,為自己及無綫平反。採:影視組 文:專案組

Louisa返母校拍攝,點知被屈係「白撞」,認真慘慘豬!

搵到學院教授做訪問嘅Louisa強調事前有申請拍攝。

應屆港姐冠軍兼「十優狀元」麥明詩(Louisa),身為英國劍橋大學法律系畢業生的她,日前隨無綫攝製隊為特輯《星星探親團》返母校取景。

不過昨日凌晨,一個由劍橋學生設立的網頁出Post,指劍橋大學舉行「Cambridge Union Society (劍橋聯合會)The 2016 Spring Ball」時,麥明詩與攝製隊到達會場,期間傳出「有人」在舞會上不斷攞酒飲,被懷疑「白撞」呃飲呃食,經學生會商討後,邀請麥明詩及攝製隊到辦公室了解情況。據學生網頁消息透露,拍攝過程因未有申請,故最後由保安護送由側門離開。而網頁亦用上「She was an imposter(佢係冒充者)」等字眼,但在網頁上的照片所見,Louisa卻與學生言談甚歡,事件似有出入,令人存疑。

小誤會唔覺被整蠱

而Louisa昨日接受本報電話訪問時說:「之前透過E-mail聯絡學生會,去到工作人員都有畀手帶我哋識別,佢哋又特別帶我哋參觀,又搵番個學院教授。」又表示沒有感到不開心:「好小事,呢個學生網頁風格都係輕鬆搞笑為主。(唔開心?)出嚟拍嘢都會遇到一啲情況。(鋒芒太露畀人整蠱?)唔覺得。」

對於Louisa被「趕」出舞會,節目監製張志明昨日作出澄清:「佢哋係有申請拍,亦都有個手帶畀佢哋入去拍,啲嘢食都係人哋隊埋去畀佢哋食嘅,佢哋初頭好開心,覺得有個香港小姐過嚟好開心。」但他又指因晚會上有人飲醉,因此請Louisa等人離開:「有人飲醉酒後,佢哋話唔係好想我哋喺度,跟住就叫咗我哋走咁解。」

大會有派識別手帶

談到網頁上寫有香港小姐被趕走,並附上照片,張志明說:「嗰個男仔係學生會主席嚟,你見佢係咁攞嘢畀麥明詩食,其實佢哋拍嘢嗰陣氣氛真係好好,後尾拍拍吓之後,有人話唔希望有隊Crew成日對住,所以拍到咁上下咪走囉!」

而無綫企業傳訊部副總監曾醒明則表示,要還Louisa及攝製隊一個公道,他強調事前一星期已循正式程序申請拍攝舞會,並獲得批准,所有攝製隊人員皆有手帶作識認。而整個拍攝過程只花了45分鐘,舞會主席James Hutt向攝製隊提出因他們在場會令同學拘謹,要求拍攝到此為止,大家在歡愉、和諧的氣氛下離開會場。

麥明詩男友林作亦出聲力撐女友,又透露她昨晨有來電訴苦:「佢今朝打畀我講番件事,佢都冇嬲嘅,只係得啖笑囉!我肯定女友做足申請,純粹係嗰個學生會主席低估咗麥明詩風頭,佢以為人哋細嘢嚟採訪,點知拍落個個都識我女友,佢咪發難囉!呢啲學生辯論會,非大學組織,嗰個主席都係做三個月貨仔,佢今次應承人哋畀拍攝又半途反口,反映出佢冇領袖風範,至於個學生網站就更加唔使理,都冇公信力,係啲學生自己寫!」

Louisa返母校拍攝,點知被屈係「白撞」,認真慘慘豬!

搵到學院教授做訪問嘅Louisa強調事前有申請拍攝。


來源 source: http://the-sun.on.cc
鍾意就快D Share啦!