三大美女不約而同着白色衫，即刻成陣仙氣飄出嚟。
今日係新劇《賭城群英會》嘅記者會，呢個記者會就勁喇，幾乎噏得出嘅靚女都喺度...好似係，而係云云靚女之中，以「胸」湧度勝過知名度嘅沈卓盈最搶，身穿白色低胸裙嘅佢，胸前嘅警鐘胸極度搶Fo，加埋佢周不時殺出「迷魂眼」絕招，Watt數可以話係冠絕全場。
至於排第二嘅，就係一線花旦佘詩曼。咪以為阿佘係咁易晒個靚樣都晒條靚腿就算，佢雖然冇做訪問，但就以另一方式晒佢嘅人情味，由於服務無綫42年嘅無綫企業傳訊部宣傳科副總監曾醒明年底離職，佘詩曼喺活動現場一見到曾生，就起勢咁慰問對方，當堂啲人情味飄晒出嚟。可惜貴為「老薑」代表嘅阿佘，喺坐低嘅時候，竟然唔小心露肉色底底，真係百密一疏，下次真係要小心啲。
最後第三位最搶嘅小花係鍾采羲，出名有番咁上下身材嘅佢，簡簡單單一件背心裙，已經將佢嘅上圍表露無遺，厲害！
來源 source: http://hk.on.cc
|
鍾意就快D Share啦！
|
|
|
