2016年7月1日星期五

傅穎公開教「整容」後生13年 __,整容,傅穎,

傅穎公開教「整容」後生13年

藝人傅穎經常被指「變臉」、「膠樣」，前日傅穎揚言要公開化妝過程短片，好等大家驗明正身，昨日傅穎坐言起行，上載妝前妝後「變臉」特技，片段一開始着住睡衣的她笑說：「我成日都會畀人話整容，我今日就公開吓我係點整容，其實我每日都會整一次。」片段中見她卸妝後一臉素顏，又示範化13年前的舊妝及現時流行的韓式靚妝。

妝前

素顏上陣的傅穎話要化13年前的舊妝。

對於有人質疑她的一臉「素顏」，傅穎昨在電話說：「已經落（妝）到咁，點都好一定有唔同聲音。（覺得你唔似落晒妝？）咁可能我皮膚靚，其實我依家皮膚差咗，我冇期望條片一出，啲人就信晒，佢哋要咁諗冇計。」傅穎表示平日不用工作便不化妝，提到重化13年前舊妝相當熟手，她笑說：「嗰時啲妝好hea好易化。」她還將舊照對比，傅穎表示以前比較肥，現在瘦了，一直有戴開「大眼仔」的她最近學了韓式化妝，她說：「以前我黐開雙眼皮膠紙，但之前去韓國影寫真，韓國化妝師話唔使黐，所以我冇再黐，所以隻眼冇咁大，但感覺都OK。」