2010年嘅港姐李雪瑩喺IG宣布結婚，專心做人妻，其實喺早年李雪瑩已經同大台解咗約，唔再做幕前，其實同屆嘅港姐都係星途黯淡。先係冠軍陳庭欣，佢拍嘅劇嘅唔多，觀眾對佢嘅印象都唔深，又唔係好多網民提起，就連見報機會多數都係佢嘅感情事，咁當然仲包括J2「神級」節目——《三日兩夜》亞軍張秀文，拍劇都只係客串下，都冇機會擔正，但係做綜藝節目嘅主持就叫做好啲，除咗2014年嗰年得一個節目之外，其他年份平均都有三、四個節目，但都係上唔到一線。季軍莊思明嘅劇路就好啲，做嘅角色唔只有對白，仲有名，但係都係上唔到一線。綜藝節目都唔算多，久不久都會有主持做。但當選之初，其實莊思明都好陰功。話說當晚三甲出爐後，網民即狠批當選佳麗——即陳庭欣、張秀文同莊思明為豬扒，連美國CNNGo網站都以Porkchop（豬扒）為題報道。有指無綫每年都會派港姐季軍參選國際小姐，點知季軍莊思明卻不獲安排出戰，令人懷疑係咪因為港姐被指豬扒，無綫不欲再淪為國際笑柄，故禁止莊思明踏足國際選美場。李雪瑩就最慘，選港姐嗰陣網民一致力撐，可惜三甲不入，僅摘最上鏡小姐，風頭完全不及三料冠軍陳庭欣，就連星途都好黯淡，拍劇全部都係客串，主持嘅節目得一兩個，基本上長駐明珠台主持《港生活·港享受》，唔怪得佢喺2014同大台解約啦。
來源 source: http://hk.apple.nextmedia.com
|
鍾意就快D Share啦！
|
|
|
