曾經喺劇集《怒火街頭II》飾演律師、2010年最上鏡小姐李雪瑩（Crystal），雖然當時佢嘅人氣一度超越鍾嘉欣、苟芸慧等人，成為官方網頁人氣榜第一位，不過佢喺大台做藝員，但係一直都冇乜發展機會，做過明珠台《港生活·港享受》主持，之後又客串下啲劇集。李雪瑩可能見發展唔係好理想，於是做咗4年藝員之後，喺2014年年初以進修為由，同大台提前解約，離開娛樂圈，離開前最後一部作品係《愛我請留言》。噚日李雪瑩喺ig宣佈結婚，仲貼咗張同未婚夫頭貼頭嘅合照，左手無名指戴咗一隻好閃嘅戒指，唔少網民都留言祝福，佢都有留言話多謝。晚上李雪瑩以短訊回覆《蘋果》謂；「很多謝大家嘅祝福! 回到香港再同大家分享。」其實Crystal離開大台之後，佢有做過Model，仲久唔久見佢玩瑜伽兼周遊列國，點都好過留喺度做藝員，真係好幸福，其好友朱千雪亦都有留言恭喜佢，讚佢係一個美麗嘅新娘。同李雪瑩做明珠生活時認識嘅蘇頌輝，5月去新加坡時同兩口子食過飯，佢話：「佢男友好好人、好細心、好勤力工作，佢哋結婚一定戥佢開心。」知唔知係咪噚日結婚？佢就話：「唔知，但呢個係每個女仔夢想啦，恭喜佢哋。」據知李雪瑩現在不常在港居住，喺新加坡同英國兩邊走，間中回港會約圈中好友食飯。同屆港姐莊思明，幾個月前同李雪瑩食飯，佢接受訪問時話：「知佢會結婚，但佢想低調，我都唔知幾時。咁梗係要恭喜佢，我識佢男友，雪瑩話依家好好，好開心，最緊要開心啫。」
|
鍾意就快D Share啦！
|
|
|
