楊婉儀強調自己身體健康，仲暢談仔女經，大家可以放心喇。
現年46歲前港姐楊婉儀（Winnie），日前現身撐好友翁嘉穗旗下公司舉行的慈善活動，當中Winnie與翁嘉穗的合照一出，即惹來議論紛紛，有網民稱Winnie愈來愈瘦，擔心她的幼稚園教育工作辛苦。
《東網》事後致電Winnie，問到為何消瘦不少，她指自己磅數跟以前差不多，不過經記者再三追問，她才承認的確是瘦了，但強調身體非常健康：「件衫都着得我瘦咗。（咁即係瘦咗幾多？）10磅、8磅度，不過我冇病，話我瘦好過話我肥。（係咪因為忙學校工作瘦咗？）少少啦，我都會希望健康啲，所以平時會食清啲嘅沙律。」
子女繼承衣鉢
Winnie續透露讀國際學校的仔女已開始放暑假，並會到自己的幼稚園學校做義工：「我間幼稚園仲有兩個星期先放暑假，對仔女會過嚟幫手，我個女好鍾意小朋友，會喺度做助教，帶啲小朋友去洗手、抹枱同刨鉛筆。」又開心透露一對仔女將來的志願是做老師，笑言有人繼承其衣鉢。
來源 source: http://hk.on.cc
|
鍾意就快D Share啦！
|
|
|
