藝人歐陽震華一向都係無綫劇集嘅收視福將，由歐陽震華（Bobby）、胡定欣、滕麗名、呂慧儀、羅蘭、胡楓等藝人主演嘅無綫劇《一屋老友記》，播出短短一個禮拜，已經成為電視迷茶餘飯後的話題，個個食完飯坐定定等睇劇。
以往電視迷熱追嘅劇，都離不開啲青春靚女，不過今次就有啲例外因為胡楓和羅蘭呢兩隻「百厭鬼」嘅演出真係好好笑，搶晒所有演員風頭。網民話：「之前睇羅蘭嘅『龍婆』形象幾得人驚，估唔到佢响《一屋老友記》入面一啲都唔恐怖，覺得佢好可愛。孖住胡楓，兩個加埋百幾二百歲人，可以擦出火花。」
講到兩位老友記嘅爆笑演出，不得不提第三集。當寶歡(歐陽震華飾)知道白樺(胡楓飾)與依蘭(羅蘭飾)嘅真正身份後，戴咗條蒜頭頸鏈同十字架入去同兩位老友記講數，不過佢哋當啲捉鬼法寶無到，依蘭仲穿過寶歡身體，嚇到寶歡鼻哥窿無肉。之後仲搵埋好友百川(韋家雄飾)响屋企開壇捉鬼。而兩位老友記當佢唱大戲，企定定睇表演。嚇到得半桶水嘅百川狂叫「有怪莫怪，細路仔唔識世界。」激到寶歡半死。網民笑謂：「原來鬼係唔怕你開壇，佢哋當睇大戲，韋家雄都演得好好笑，薑果然係愈老愈辣。」
除咗老薑受電視迷力撐之外，其他演員其實都有唔少支持者，有人就講：「最好笑就係Bobby瞓醒周身骨痛，由頭痛到腰骨到pat pat，佢嘅細佬四寶話發現佢在天台一齊抬佢落嚟，片影住佢哋唔夠力，Bobby由樓梯一路櫈十幾級落嚟~~笑死我，我剛好飲緊水，好笑到差點濁親。」
網民有話兒
幸x輪：噚晚見到bobby 喺梯級度係咁瀡落去, 真係笑到收唔到聲。」
alanwxxx： 好慈祥既(嘅)老人家，好可愛！
susamxx：《一屋老友記》會以為會很驚慌，看完覺得不驚慌，還好好笑。
leeyukkxxg：羅蘭同胡楓真係薑越（愈）老越（愈）辣。
xxxnwx33446：見到Bobby個樣真係有D（啲）驚......面色灰黑，係咪專登幫佢化個撞鬼..妝。
|
鍾意就快D Share啦！
|
|
|
