掃呢頁CODE去手機

2016年9月10日 星期六

【怒插周嘉儀】與財經主播范巧茹同日離開無綫 林小珍:我裸辭了 __,無綫,林小珍,周嘉儀,嘉儀,

【怒插周嘉儀】與財經主播范巧茹同日離開無綫林小珍:我裸辭了2016-09-1018:29:00HKT林小珍同范巧茹同日離開大台,未有透露離開原因。林小珍喺離開前同同事合照。噚日係林小珍最後一日主持節目。林小珍留言話唔捨得同事!范巧茹話唔知有冇機會再同小珍合作!曾經喺新聞小花周嘉儀離開新聞部當日,喺fb留言怒插對方嘅財經組高級記者兼主播林小珍(新聞連結:http://bit.ly/1IddD2Z), ...


【怒插周嘉儀】與財經主播范巧茹同日離開無綫 林小珍:我裸辭了

2016-09-10 18:29:00 HKT



林小珍同范巧茹同日離開大台,未有透露離開原因。



林小珍喺離開前同同事合照。





噚日係林小珍最後一日主持節目。



林小珍留言話唔捨得同事!



范巧茹話唔知有冇機會再同小珍合作!

曾經喺新聞小花周嘉儀離開新聞部當日,喺fb留言怒插對方嘅財經組高級記者兼主播林小珍(新聞連結:http://bit.ly/1IddD2Z),原來喺噚日亦正式離開大台,除咗林小珍之外,另一個資深財經女主播范巧茹亦都係喺同日離職。

離職消息曝光後,林小珍喺ig留言,佢話:「多謝各位關心。是的,我裸辭了。很有型,對吧?!不,正如文中所講,走出公仔箱需要勇氣。感謝這十三年來,台前幕後無數的戰友及觀眾!對您們:不捨得⋯⋯我愛你們。有緣再見」

今日佢又更新ig,分別貼咗佢最後一日主持財經節目嘅短片同相,留言話:「最尾的節目,最美的結束!All Done!!」

喺05年加入大台嘅范巧茹,佢喺fb貼咗一條喺噚日同林小珍再加埋股評人、分析員同同事一齊食飯嘅片,當係感謝股評人十幾年來幫忙嘅晩飯!睇見佢哋個個都食得好開心,之後范巧茹仲話:「9/9,我同小珍同日息影了,很難得眼淺的我,眼淚竟然頂得住。雖然不知道將來還有沒有機會,跟小珍再合作做節目,但肯定的是,我們都很感激,電視台給予我們這麼多年的機會,以及非常珍惜,與各位全港最Top分析師的情誼,話晒大家都共過港股患難,跌過唔少錢,又賺過唔少,希望各位身體健康,恒指32,000點後再86,000點 !!」

佢哋兩個最後都冇講離開嘅原因,范巧茹同網民對話期間,透露目前未有去向,依家想學剪片,言談間仲話留低比離開更加勇氣,近年新聞部經常出現人事變動,唔少資深主播相繼請辭,喺「J5」開台後,喺黃金時段播普通話新聞報道兼用簡體字幕,已經惹嚟唔少爭議,相信對主播嚟講,對士氣有一定嘅爭議,或多或少都有意興闌珊。


鍾意就快D Share啦!