2016年9月10日 星期六

《港姐任你Like》:Daisy成雙料冠軍 __,港姐,

呢三位佳麗,又係唔係大家嘅心水呢?由八月十七日玩到今日嘅《港姐任你Like2016》,經過咗廿四日嘅投票,終極港姐票王終於誕生,佢就係原本排尾三、但係去到投票第三日突然發力直達票王寶座嘅4號代蓮曦丹美(Daisy)。貴為第一階段票王嘅佢,第二階段嘅成績雖然不敵10號單文柔,但因為佢喺第一階段嘅成績太彪炳,所以最終佢都可以穩守票王寶座。而綜合第一同第二階段嘅票數,終極第二名係10號單文柔,至於終極第 ...


呢三位佳麗,又係唔係大家嘅心水呢?

由八月十七日玩到今日嘅《港姐任你Like 2016》,經過咗廿四日嘅投票,終極港姐票王終於誕生,佢就係原本排尾三、但係去到投票第三日突然發力直達票王寶座嘅4號代蓮曦丹美(Daisy)。

貴為第一階段票王嘅佢,第二階段嘅成績雖然不敵10號單文柔,但因為佢喺第一階段嘅成績太彪炳,所以最終佢都可以穩守票王寶座。而綜合第一同第二階段嘅票數,終極第二名係10號單文柔,至於終極第三名,則係6號馮盈盈。

至於瀏覽王,第一階段雖然係馮盈盈,但第二階段一樣有變數,就係畀瘋狂發力嘅代蓮爬咗頭。講到第一階段加第二階段嘅瀏覽量,代蓮就勁喇,以總數29,862嘅瀏覽量稱冠;而緊接其後嘅馮盈盈,總瀏覽量都有24,322,受歡迎程度不亞於代蓮。至於第三名終極瀏覽王,則係10號單文柔。

咁到底,呢個結果可唔可以成為今年港姐嘅指標呢?大家聽晚咪知道咯!而喺呢度,小編再度恭喜代蓮Daisy成為雙料冠軍!


來源 source: http://hk.on.cc
鍾意就快D Share啦!